Уфада ятим балаларны социальләштерү буенча киңәшмә узды

- Ятим һәм ата-ана каравыннан мәхрүм калган балаларны социальләштерү - бу мәйданчыкта безгә һәркемгә даими эшләргә кирәк, - дип билгеләп үтте Русия Федерациясе Президенты каршындагы Бала хокуклары буенча вәкаләтле вәкил Мария Львова-Белова.

Үзенең чыгышында ятим балаларны интернаттан соң озата бару темасына Башкортстан Хөкүмәте Премьер-министры урынбасары, финанс министры Лира Игътисамова да тукталды.

- Без балалар учреждениеләрендә вакытлыча яшәүне һәм аларны мөстәкыйль тормышка әзерләргә кирәклеген аңлыйбыз, шуңа күрә учреждениеләрне тәмамлаучылар реестрын алып барабыз: чыгарылыш укучылары кая керә, нинди белгечлекләр сайлый, уку йортларын тәмамлыймы яки вакытыннан алда чыгарыламы икәнен анализлыйбыз. Һәр балалар учреждениесенә мәшгульлек үзәге беркетелгән, ул балалар белән һөнәри юнәлеш бирү эшен алып бара, — дип билгеләп үтте Лира Игьтисамова.

Бүген кич кунаклар ятим балалар өчен «Балачакны кайтарырга» оешма тәрбияләнүчеләренә ярдәм итү һәм социаль адаптация фестивален ачуда катнаша. Фестивальдә катнашу өчен Уфага Идел буе федераль округының барлык төбәкләреннән 500гә якын балалар йорты тәрбияләнүчесе килде.

Фото: pravitelstvorb.ru