+22 °С
Болытлы
Гәзиткә язылуVKOKTelegram
Барлык яңалыклар
Җәмгыять
31 октябрь 2023, 11:37

Римма Үтәшева: "Һәр кеше өчен туган тел - төп байлык"

"Башкортстан Республикасы татарларының милли-мәдәни автономиясе" төбәк иҗтимагый оешмасы советы рәисе, Русия Федерациясе Дәүләт думасы депутаты Римма Үтәшева "Педагог һәм остаз елы"на багышланган фәнни-гамәли конференциядә катнашучыларга видеоязма аша сәламләү сүзләрен җиткерде.

Римма Үтәшева: "Һәр кеше өчен туган тел - төп байлык"
Римма Үтәшева: "Һәр кеше өчен туган тел - төп байлык"

- Хәерле көн, хөрмәтле дуслар! Мин сезне шундый күркәм форумда сәламләвемә шатмын. Барыннан да бигрәк оештыручыларга рәхмәт белдерәм. Һәр кеше өчен туган тел - ул төп байлык. Һәм урыс теле дәүләт теле буларак рәсмиләштерелгән, шулай ук татар, башкорт һәм башка төрки телләр бер-берсен аңлап һәм хөрмәтләп яшәгән илебездә - без шундый байбыз! Конференциядә катнашучыларга уңышлар телим! - дип сәламләде Римма Үтәшева.

Исегезгә төшерәбез, чара Русия Мәгариф министрлыгы, Башкортстан Мәгариф һәм фән министрлыгы, “Русия татарлары милли-мәдәни автономиясе” федераль иҗтимагый оешмасы, “Башкортстан Республикасы татарлары милли-мәдәни автономиясе” төбәк иҗтимагый оешмасы ярдәме, шулай ук Милләтләр эшләре буенча федераль агентлыкның финанс ярдәме белән оештырыла. Чарада, шулай ук, Башкортстан Республикасы мәдәният министрының беренче урынбасары Наталья Лапшина да чыгыш ясады.

Конференция бүген М. Акмулла исемендәге Башкорт дәүләт педагогия университетында уза.

Фото: Римма Үтәшеваның телеграмм-каналыннан, t.me/rimmautiasheva

Автор:Денис Таваев
Читайте нас: