+20 °С
Болытлы
Җәмгыять
8 ноябрь 2023, 05:30
“Догаларыбыз сезне саклап йөртсен!”
Кырмыскалы районының Урал авылында “Муравей” кафесы ярдәме белән “Теләк теләү ашы” үткәрделәр.
“Догаларыбыз сезне саклап йөртсен!”
Изге җомга көннәрнең берсендә Кырмыскалы районының Урал авылында махсус хәрби операциянең тизрәк тәмамлануын һәм ир-егетләребезнең исән-имин туган якларына әйләнеп кайтуын теләп, Коръән мәҗлесе үткәрделәр. Авыл активистларының изге башлангычын “Муравей” кафесы җитәкчелеге күтәреп алды һәм мәҗлес үткәрүдә иганә ярдәме күрсәтте.
Урал авылы халкының активлыгына хәйран калырлык. Өлешләтә мобилизация игълан ителеп, якташларыбыз Туган илебезне яклау бурычларын үтәргә юнәлү белән хатын-кызлар кулларыннан килгәнчә ярдәм күрсәтү эшенә кереште. Акча җыеп, яугирләргә кирәк булган әйберләр алып, җылы киемнәр бәйләп, азык-төлек әзерләп, даими рәвештә озатып торалар. Яз көне авылның активисты Фәһимә Әлимгафарова, районыбызның оста куллы хатын-кызларын җыеп, өч көн дәвамында әлеге “Муравей” кафесында бавырсак пешерделәр. Ул вакытта да кафе хуҗасы Регина Сибәгатова, аларның изге башлангычын күтәреп алып, барлык яклап ярдәм итте. Гомум көч белән әзерләнгән милли ризык якташ яугирләребезгә гуманитар конвой белән озатылды.
Урал авылы халкының активлыгына хәйран калырлык. Өлешләтә мобилизация игълан ителеп, якташларыбыз Туган илебезне яклау бурычларын үтәргә юнәлү белән хатын-кызлар кулларыннан килгәнчә ярдәм күрсәтү эшенә кереште. Акча җыеп, яугирләргә кирәк булган әйберләр алып, җылы киемнәр бәйләп, азык-төлек әзерләп, даими рәвештә озатып торалар. Яз көне авылның активисты Фәһимә Әлимгафарова, районыбызның оста куллы хатын-кызларын җыеп, өч көн дәвамында әлеге “Муравей” кафесында бавырсак пешерделәр. Ул вакытта да кафе хуҗасы Регина Сибәгатова, аларның изге башлангычын күтәреп алып, барлык яклап ярдәм итте. Гомум көч белән әзерләнгән милли ризык якташ яугирләребезгә гуманитар конвой белән озатылды.
Биредә махсус хәрби операциядә катнашучы якташ егетләребезгә ярдәм итү максатында алып барылучы эшчәнлекнең тукталып торганы да юк. Әле авылдагы балалар бакчасының буш торган бер бүлмәсен алып, маскировка челтәрләре үрүгә керештеләр. Ә махсус хәрби операциядә һәлак булган Максимның нәнәсе Рәйсә апа Багавеева бу эшне үз йортында җәелдергән.
– Карлыман авыл биләмәсе хакимиятенә мөрәҗәгать итеп, балалар бакчасындагы буш бүлмәне алдык. Хәзер барлык эшләребезне җыелышып башкару өчен урын бар. Маскировка челтәрләре үрү өчен станок ясадык, ә тукыма белән “Патриот” волонтерлар штабының Олыкүл авылындагы бүлекчәсе тәэмин итә. Бүген безнең авылдан өч егетебез махсус хәрби операция зонасында үз бурычларын үти. Тиздән икесе кыска вакытлы ялга кайтырга тиеш. Алар белән даими элемтәдә торабыз, тормыш-көнкүрешләре белән кызыксынабыз һәм кулдан килгәнчә ярдәм итәргә тырышабыз. Барыбызның да теләге бер – сугышлар тизрәк тәмамла-нып, ир-егетләребез туган якларына исән-имин кайтсын, – ди Фәһимә апа.
– Карлыман авыл биләмәсе хакимиятенә мөрәҗәгать итеп, балалар бакчасындагы буш бүлмәне алдык. Хәзер барлык эшләребезне җыелышып башкару өчен урын бар. Маскировка челтәрләре үрү өчен станок ясадык, ә тукыма белән “Патриот” волонтерлар штабының Олыкүл авылындагы бүлекчәсе тәэмин итә. Бүген безнең авылдан өч егетебез махсус хәрби операция зонасында үз бурычларын үти. Тиздән икесе кыска вакытлы ялга кайтырга тиеш. Алар белән даими элемтәдә торабыз, тормыш-көнкүрешләре белән кызыксынабыз һәм кулдан килгәнчә ярдәм итәргә тырышабыз. Барыбызның да теләге бер – сугышлар тизрәк тәмамла-нып, ир-егетләребез туган якларына исән-имин кайтсын, – ди Фәһимә апа.
Коръән мәҗлесенә дә алар шундый изге ният белән җыелды. Ураллыларның шундый изге эш башкарырга җыенуын Регина Винер кызы белеп калган һәм янә үзенең ярдәмен тәкъдим иткән. Өстәвенә, шушы көннәрдә кафе Коръән мәҗлесләре өчен яңа төр хезмәт күрсәтү тәкъдим итәргә җыенган була. Изге эштән башлап җибәргәч, ул, һичшиксез, уңышлы булыр.
Менә бу көнне Коръән табынына җыелучыларны “Муравей” кафесының оста пешекчеләре тәмле ризыклар белән сыйлады. Коръән мәҗлесләре өчен тәгаенләнгән җыелмадан тыш, итле аш та пешереп алып килгәннәр. Табынны әзерләүдә авылның уңган хатын-кызларына кафе хезмәткәрләре дә зур ярдәм күрсәтте. Шуларның берсе – кафеның башкарма директоры Гөлнара Шәрипова. Йөгерә-йөгерә табын әзерләгәндә ул Коръән мәҗлесләре өчен тәгаенләнгән яңа хезмәт турында да сөйләде.
– Коръән ашлары, исем куштыру, никах кебек мәҗлесләр үткәрү өчен әзер җыелмага гөбәдия, вак бәлеш, коймак, дүрт төрле эчлекле пироглар, киселгән токмач, морс һәм хәер керә. Ә соңгысын заказ бирүчеләр үзләре сайлый ала, без исә чәй яисә сөлге белән ике төрлесен тәкъдим итәбез. 8-927-342-45-33 һәм 8-917-402-40-21 телефоннары буенча шалтыратып, ничә кешегә әзерләргә кирәклеген әйтсәгез, билгеләнгән көнгә һәм вакытка үзебезнең машина белән заказны китереп тә җиткерәбез, – ди Гөлнара Әнвәр кызы.
Менә бу көнне Коръән табынына җыелучыларны “Муравей” кафесының оста пешекчеләре тәмле ризыклар белән сыйлады. Коръән мәҗлесләре өчен тәгаенләнгән җыелмадан тыш, итле аш та пешереп алып килгәннәр. Табынны әзерләүдә авылның уңган хатын-кызларына кафе хезмәткәрләре дә зур ярдәм күрсәтте. Шуларның берсе – кафеның башкарма директоры Гөлнара Шәрипова. Йөгерә-йөгерә табын әзерләгәндә ул Коръән мәҗлесләре өчен тәгаенләнгән яңа хезмәт турында да сөйләде.
– Коръән ашлары, исем куштыру, никах кебек мәҗлесләр үткәрү өчен әзер җыелмага гөбәдия, вак бәлеш, коймак, дүрт төрле эчлекле пироглар, киселгән токмач, морс һәм хәер керә. Ә соңгысын заказ бирүчеләр үзләре сайлый ала, без исә чәй яисә сөлге белән ике төрлесен тәкъдим итәбез. 8-927-342-45-33 һәм 8-917-402-40-21 телефоннары буенча шалтыратып, ничә кешегә әзерләргә кирәклеген әйтсәгез, билгеләнгән көнгә һәм вакытка үзебезнең машина белән заказны китереп тә җиткерәбез, – ди Гөлнара Әнвәр кызы.
Урал авылындагы күркәм мәҗлескә ярдәм акцияләрендә актив катнашкан ике дистәгә якын кеше чакырылды. Күрше Олыкүл авылының “Нургали” мәчете имам-хатыйбы Әлфәрит хәзрәт Ширгазин эчтәлекле вәгазь сөйләде, Урал авылыннан, районнан һәм республикабыздан махсус хәрби операциядә катнашучы барлык ир-егетләргә багышлап, Коръән сүрәләре укыды һәм җыелучылар яуда йөрүче ир-егетләребезнең исән-имин йөреп кайтуын теләп, бергәләшеп дога кылды.
Солдатларыбызга рухи ярдәм булыр дигән максат белән “Муравей” кафесы һәм авыл халкының көче белән оештырылган бу мәҗлестә укылган догалар яугирләрне саклап йөртсен һәм исән-сау булып, җиңү белән үзләренең якыннары янына кайтырга ярдәм итсен иде.
Гомумән, “Теләк теләү ашы” үткәрү гореф-гадәте безнең якларда элек-электән яшәп килә һәм бүген алар еш оештырылып тора. Мондый Коръән мәҗлесләре үткәргәннән соң, якташларыбыз күңел тынычлыгы белән яхшы хәбәрләр көтеп яши.
Эльвира ЯМАЛЕТДИНОВА,
“Кызыл таң”ның үз хәбәрчесе.
Кырмыскалы районы.
Гомумән, “Теләк теләү ашы” үткәрү гореф-гадәте безнең якларда элек-электән яшәп килә һәм бүген алар еш оештырылып тора. Мондый Коръән мәҗлесләре үткәргәннән соң, якташларыбыз күңел тынычлыгы белән яхшы хәбәрләр көтеп яши.
Эльвира ЯМАЛЕТДИНОВА,
“Кызыл таң”ның үз хәбәрчесе.
Кырмыскалы районы.
