Уфага күренекле немец икътисадчысы килә

Халыкара бизнес атналыгы Русия һәм тышкы дөнья арасында яңа мөнәсәбәтләр үсешенә ярдәм итүче мөһим вакыйга булып тора, дип саный Русия Фәннәр академиясенең Көнчыгышны өйрәнү институтының Евразия мәгариф һәм хезмәттәшлек үзәге җитәкчесе Андрей Быков. Форум үзен төрле илләрнең эшлекле берләшмәсе вәкилләре уртак проектлар турында фикер алыша һәм гамәлгә ашыра ала торган мәйданчык итеп күрсәтте.

- Уфа - Русия белән тышкы дөнья арасындагы яңа мөнәсәбәтләр өчен бик мөһим геостратегик һәм геосәяси урын: уңайлы урнашу – Азия белән көнчыгыш чиге, Урал тауларының көньягы, административ проблемаларсыз һәм инвесторларга карата иң яхшы мөнәсәбәтле динамик, яхшы идарә ителә торган төбәк. Сезне Уфадагы икътисади форумның 23 ноябрьдә 12:00 сәгатьтән 13:30 сәгатькә кадәр узачак махсус сессиясенә чакырасым килә. Бу сессиядә күренекле немец икътисадчысы Райнер Хартманн чыгыш ясаячак. Ул 31 ел дәвамында Европаның иң эре газ концерны «Рургаз»ның Русиядәге вәкиллеген җитәкли, немец сәүдә палатасын оештыручы булып тора. 20 ел дәвамында шулай ук - Европа бизнесы ассоциациясен оештыручы һәм президенты. Европаның иң тәҗрибәле икътисадчыларының берсе Райнер Хартманн Уфага махсус киләчәк. Аның сәгать ярым вакыты булачак, һәм без аңа сораулар бирә алырбыз. Чакырам! - дигән Андрей Быков.