Журналистларның гранд-сессиясе үтәчәк

Дискуссия мәйданчыгы «дүртенче власть»ның киләчәге турында фикер алышуга, дөнья тенденцияләренә күзәтүгә, шулай ук агымдагы геосәяси вәзгыятьне исәпкә алып, Русия белән партнерлыкның уңай имиджын формалаштыруга багышланачак. Секциянең модераторы булып «Русия – мөмкинлекләр иле» коммерцияле булмаган автоном оешмасының коммуникацияләр буенча директоры Сергей Коляда чыгыш ясаячак.  

- Миңа бу дискуссияне модерацияләү мөмкинлеге бирелде, ул бик кызыклы булыр дип өметләнәм. Русиядән генә түгел, күрше илләрдән дә журналистларның катнашуы бик яхшы, болар - Беларусь һәм Казахстан. Без - «дүртенче власть» һәм журналистиканың киләчәге турында хәзерге мәгълүмати чынбарлыкта, артык тулган мәгълүмат кырында фикер алышачакбыз. Бу сессиянең җитди медиа-нәтиҗә алуы бик мөһим, — диде Сергей Коляда.

  ТАСС, Forbs Russia, ФедералПресс, КоммерсантЪ, ВКонтакте, РБК, "Комсомольская правда", Беларусь Республикасындагы "Россия сегодня" һәм "Казинформ"ның халыкара мәгълүмат агентлыгы катнашачакларын раслаган.

Гранд-сессия 23 ноябрьдә 17.30 сәгатьтә Уфаның «Торатау» конгресс холлында Зәки Вәлиди урамы, 2нче йорт адресы буенча узачак.

Исегезгә төшерәбез, 22 ноябрь - 2 декабрьдә Уфада халыкара бизнес атналыгы узачак. Ел саен үткәрелә торган икътисади вакыйга 2 000нән артык кешене: хакимият вәкилләрен, бизнес-берләшмәләрне һәм төрле өлкәләрдән экспертларны берләштерәчәк. Форум кырында 50дән артык эшлекле чара узачак, аларда федераль һәм халыкара дәрәҗәдәге 400дән артык спикер чыгыш ясаячак. Форумда 15 ил: Кытай, Казахстан, Үзбәкстан, Беларусь, Төркия, Иран һәм башкалар катнашачак.

Форумны оештыручы - Башкортстан Республикасы Хөкүмәте.