Утлар да янды, чокыр да ямалды

Торак-коммуналь хуҗалык проблемалары – узган атнада Башкортстанга идарә итү үзәгенең мәгълүмат сис­темалары иң күп теркәгән тема (898). Нигездә, Уфаның кайбер бакчачылык ширкәтләрендә, шулай ук, Иглин һәм Уфа районнарының кайбер торак пунктларында электр энергиясе өзелүгә һәм җылыту булмауга зарланалар. Сәбәбе – салкыннар нәтиҗәсендә электр челтәрләренә йөкләнешнең артык күп булуы. Күпфатирлы йортларда торбалар шартлау буенча да мөрәҗәгатьләр булган. Иң күп шикаятьләр Уфадан килгән. Барлык хәбәрләр дә эшкә алынган.

Юллар темасы – мөрәҗә­гать­ләр саны буенча икенче урында (835). Аларның күп­челек өлеше юлларны кардан чистартуга кагыла (488). Күбрәк уфалылар – Октябрь, Киров һәм Совет районнары халкы язган. Шулай ук, Октябрьский шәһәреннән (35) һәм Иглин районыннан (33) да мөрә­җәгатьләр булган. Өченче урында – төзек­ләндерү. Ихаталарны, паркларны һәм скверларны кардан чистартуны сораганнар. Бишлекне сәламәтлек саклау һәм җәмәгать транспорты проблемалары тәмамлый.
Менә шуларның берни­чәсе. Уфада Азатлык урамындагы 24нче йортның түбәсен боздан чистартканнар. Бу эш социаль челтәрләрдә бер кешенең үтенече буенча башкарылган. Башкаланың Калинин районының уяу халкы Черниковская урамындагы 37нче йорт түбәсендә боз сөңгеләре күргән. Торак-коммуналь хуҗалык хезмәткәр­ләре проблеманы берничә сәгать эчендә хәл иткән.

Шундый ук хәл Уфада Октябрьнең 50 еллыгы урамында да теркәлгән. 30нчы йортта яшәүче кеше социаль чел­тәрләрдә мөрәҗәгать ит­кәннән соң, “ЖЭУ-51” хезмәт­кәрләре түбәдән бозны бәреп төшергән. Мондый мөрәҗә­гатьләр саны арта бара. Кышын Башкортстан ЦУР системалары аларны еш терки.
Уфаның Сипайлово бис­тәсендә Жуков урамындагы “Простор” сәүдә үзәге янындагы юл чокыры ямалган. Бу урында машиналарның тәгәр­мәчләре тишелә, дигән постны 6 декабрь иртәсендә социаль челтәрдә рәсми булмаган пабликларның берсе бастыра. Октябрь районы хакимияте әлеге инцидентны контрольгә ала. Юл хезмәте белгечләре оператив рәвештә урынга чыгып, чокырга сыек асфальт салган. Бу чара вакытлыча, яз көне биредә капиталь ремонт ясалачак.

Яңавылда тимер юл кү­пере янында яктырту проблемасы хәл ителгән. Андагы караңгылык турында урындагы кеше язган. Мәсьәләне хәл итү белән Яңавыл районы хакимияте шөгыльләнә. Шә­һәр­нең төньягында тимер юл күпере янындагы террито­риянең Горький тимер юлыныкы булуын ачыклаганнар. Халыкның үтенечен исәпкә алып, шәһәр хакимияте компания җитәкчелегенә проблеманы хәл итүдә ярдәм итүне сорап мөрәҗәгать итә. Горький тимер юлы вәкилләре белән очрашу 15 сентябрьдә узган. Нәтиҗәдә, шәһәр хакимияте, Горький тимер юлы җитәкчелеге һәм “Яңавыл электр челтәрләре” компа­ниясенең уртак тырышлыгы белән яңа яктырту системасы урнаштырылган.

Краснокама районының Николо-Березовка авылында К. Маркс урамы буенча канализация коесына яңа капкач куелган. Тракторның юлны кардан чистарткан вакытта кое капкачына зыян китерүе турында социаль челтәрләрдә бер хатын язган. Аның мөрә­җәгатен 24 ноябрьдә Баш­кортстанның ЦУР роботы
тоткан. Краснокама районы хакимияте һәм Николо-Березовка авыл Советы әлеге инцидентны эшкә алганнар.

1 де­кабрьдә хезмәт күрсәтүче оешма канализация коесы капкачын алмаштырган.

Социаль челтәрләрдә мө­рәҗәгатьтән соң, Нефтека­маның Ленин урамындагы 10нчы йортның 3нче подъездындагы түбә плитәләре ремонтланган. Проблеманы Нефтекама шәһәре хакимияте күрсәтмәсе буенча идарәче оешма хезмәткәрләре хәл иткән.

Октябрьский шәһәрендә Төньяк һәм Кувыкин урамнары киселешендә светофор ремонтланган. Моны бер хатын-кыз мөрәҗәгать иткәннән соң эшләгәннәр. Мәсьәләне хәл итү белән шәһәр хакимия­тенең Стратегик үсеш, юл хуҗалыгы һәм транспорт бүлеге белгечләре шөгыль­ләнгән. Ачыклануынча, светофорга ауган агач зыян сал­ган. Бу кыска ялганышка китергән һәм автоматика эштән чыккан. Ремонт өчен детальләргә заказ бирелгән. 5 декабрьдә исә светофор тиешенчә эшли башлаган.