+6 °С
Болытлы
VKOKTelegramБөек Җиңүгә - 80 ел
Барлык яңалыклар
10
Җәмгыять
26 декабрь 2023, 10:25

Коб-Покровка ППМИда – алдынгы!

Благовар районы авыллары арасында “Урындагы башлангычларга ярдәм” (ППМИ) программасында беренче тапкыр гына катнашса да, Языково авыл биләмәсенә караган Коб-Покровка авылы конкурска әзерлек кысаларында гаять зур активлык күрсәтә.

Коб-Покровка ППМИда – алдынгы!
Коб-Покровка ППМИда – алдынгы!

Чарага старт 2 декабрьдә бирелде, шушы уңайдан авыл клубында күп кеше катнашлыгында халык җыены үтте. Анда”Урал М-5” автотрассасы эргәсендә урнашкан Коб-Покровка авылында яшәүчеләр программада катнашып, авылда “Күпфункцияле уен мәйданчыгы” төзелүгә дәгъва итүен белдерде. Башлангыч халыкта киң яклау тапты, ул акция кысаларында оештырылган үзешчән сәнгать осталары концертында да чагылыш тапты.
Инициатив төркем җитәкчесе Дмитрий Школин билгеләвенчә, сәламәт тормыш рәвеше алып баручы бу төбәк халкы спорт уеннары үткәрү өчен махсус уен мәйданчыгына күптәннән мохтаҗ. Максатка ирешү өчен төбәктә һәр көнне дип әйтерлек бу юнәлештә ярышлар оештырылу гадәткә керде, алар арасында спорт уеннары, чаңгычылар бәйгесе, мини-футбол аеруча зур уңыш казанды.
Әйтергә кирәк, биредә яшәүчеләр арасында күпчелекне яшьләр тәшкил итә, шуңа да спорт бәйгеләрендә мәктәп укучылары катнашуы да табигый. Алар “Алтын шайба” исеме астында үткән хоккей ярышларында көч сынашты. Шунысы үзенчәлекле – уенга әзерлек барышында хоккей мәйданчыгы өчен капканы эретеп ябыштыручы, өч малай атасыПавел Соловьев эшләп бирде.
ППМИ-2024 кысаларында оештырылган чаралар төрле буын вәкилләренә исәпләнгән. Авыл клубында зур уңыш белән үткән “Ретродискотека”, мәсәлән, 80-90нчы елларны искә төшерде, тоташ авыл халкы бәйрәменә әверелде. Үзешчән сәнгатькә өстенлек бирүчеләр арасындагы конкурсларда һәм уеннарда урта буын активлык күрсәтте. Инициатив төркем вәкилләре Дмитрий Школин,Татьяна һәм Илшат Хәсәновлар, Ләйсән һәм Руслан Ганиевлар, Гүзәл һәм Артур Исламовлар, Ильмира һәм Павел Соловьевлар бәйгеләрдә иң осталар булып танылды.
ППМИ-2024 кысаларындагы чаралар күптөрлелеге белән дә аерылып тора, алар төбәк халкының милли составын бар тулылыгы белән чагылдыра, дип әйтергә мөмкин. Кәлимуллиннар, Ганиевлар һәм Якуповлар гаиләләре тырышлыгы белән татар халык йоласы-“Каз өмәсе” матур бизәкләргә бай булды, җыр-моң белән үрелеп барды. Бу җәһәттән шунысы мөһим - милли бәйрәмдә урыс милләте вәкилләре дә катнашты. Гүзәл Исламова гаиләсе исә барча авыл халкын “Коръән ашы”на җыйды.
Коб-Покровка авылы тоташ район һәм ил тормышы белән яши, биредәге ир-егетләрдән СВОда катнашучылар да күп кенә. Якташ-яугирләр авылдашларының ППМИ-2024 конкурсына керү теләген ихлас хуплый. Шуны белдереп, алар махсус хат язып салган.
Әйтергә кирәк, моңа якташларның да лаеклы җавабы бар. Шушы көннәрдә Коб-Покровка авылы халкы якташ-яугирләргә гуманитар ярдәм әзерләде, анда азык-төлек, көнкүреш кирәк-яраклары, кием-салым тупланган.
Яңа ел бәйрәменә әзерлек башлану белән “Урындагы башлангычларга ярдәм” программасы кысаларындагы чаралар яңа юнәлеш алуы табигый. Авыл мәктәбе укучылар “Кар бабайлар” бәйрәмен үткәрде, Латыйповлар гаиләсе балаларны кече атларда йөртүне оештырды.

Дмитрий Школин фотолары.

 

 

Коб-Покровка ППМИда – алдынгы!
Коб-Покровка ППМИда – алдынгы!
Коб-Покровка ППМИда – алдынгы!
Коб-Покровка ППМИда – алдынгы!
Коб-Покровка ППМИда – алдынгы!
Коб-Покровка ППМИда – алдынгы!
Автор:Фәнүр Гыйльманов
Читайте нас: