+21 °С
Болытлы
Җәмгыять
22 гыйнвар 2024, 17:48
"Донбасс тыныч тормышка кайтачак!"
Башкортстан Башлыгы Радий Хәбиров Донецк Халык Республикасы башлыгы Денис Пушилин белән телефоннан сөйләшкәндә узган якшәмбедә Донецкины Украина ягының артиллерия утына тотуыннан зыян күрүчеләрнең туганнары һәм якыннарының кайгысын уртаклашты.
"Донбасс тыныч тормышка кайтачак!"
21 гыйнвар иртәсендә Украина гаскәрләре шәһәрнең Киров районына һөҗүм ясады, нәтиҗәдә, тыныч халык һәлак булды. Бүген - ДХР территориясендә матәм көне.
- Бөтен Башкортстан халкы исеменнән Донецк Халык Республикасы кешеләренең һәм аның җитәкчесе Денис Владимирович Пушилинның тирән кайгыларын уртаклашабыз. Чираттагы утка тоту тыныч кешеләрнең гомерен өзде, күпләр яраланган, - дип язды Радий Хәбиров социаль челтәрләрдә. - Бергәләп без бу кешелексез җинаятьләрне башкаручыларны, торак кварталларга атарга коточкыч боерыклар бирүчеләрне җиңәчәкбез дип ышанам. Явызлык җәзага тарттырылачак, ә Донбасс тыныч тормышка кайтачак.
Фото: Радий Хәбировның социаль челтәрләрдәге рәсми битеннән, vk.com/radiyhabirov
