УДНТУда Кәрим Хәкимов исемендәге гарәп мәдәнияте үзәге ачылды

Гарәп мәдәнияте үзәгендә гарәп теле буенча гамәли һәм осталык дәресләре, Уфа һәм республика гарәпчеләренең конференцияләре һәм фәнни семинарлары үткәреләчәк. Монда гарәп мәдәниятен өйрәнү өчен кирәкле барлык әйберләр бар, студентлар, укытучылар, галимнәр һәм гарәп мәдәнияте, сәнгате һәм тарихы белән кызыксынучылар өчен уңайлы һәм иҗади мохит булдырылган.

Үзәк танылган совет дипломаты Кәрим Хәкимов исемен мәңгеләштерә. Күргәзмә материалын Зәки Вәлиди исемендәге Милли китапханә тәкъдим итте. Кунакларны гарәп теле һәм мәдәнияте турында китаплар, шулай ук Кәрим Хәкимовның замандашларының архив материаллары белән таныштырдылар, гарәп каһвәсе һәм Көнчыгыш тәм-томнары белән сыйладылар.

- Нәкъ менә Халыкара туган телләр көнендә нефть университетында безнең күренекле якташыбызга багышланган үзәк ачылу бик символик мәгънәгә ия. Гарәп теле безнең республика халкына ят түгел, аны элек тә белгәннәр, ә бүген аны яшь белгечләр, булачак дипломатлар өйрәнә. Кәрим Хәкимов мирасы республикада һәм аннан читтә киң билгеле. Бишбүләк районында, дипломатның туган җирендә музей эшли, аның эшләрен университетларда өйрәнәләр. Бу үзәкнең сәнгать әсәрләре, фәнни хезмәтләр, әдәбият белән тулылануы мөһим. Без сезгә ярдәм итәргә һәм Кәрим Хәкимовның иҗади мирасын өйрәнүдә бергәләп катнашырга әзер, - диде Башкортстан Мәдәният министрлыгының Гуманитар тикшеренүләр үзәге директоры Марат Мәрданов.

Үзәк УДНТУ һәм Башкортстанның имиджын ныгытачак, Көнчыгышны өйрәнү, гарәп мәдәнияте һәм теле белән мавыгучы абитуриентларны җәлеп итәчәк.

Фото: УДНТУ