Аек бул - заманга лаек бул!

Исегезгә төшерәбез, ул 2019 елда Бөтендөнья башкортлары корылтае башлангычы белән тергезелде. Конкурс уздырылган чорда 39 авыл җиңүче булды. 2019 елдан бирле анда 3 меңнән артык авыл, 30 меңгә якын активист һәм меңнән артык волонтер катнашты. Конкурсның төп максаты - аек һәм сәламәт яшәү рәвешен популярлаштыру, халыкны иҗтимагый эшчәнлеккә җәлеп итү, игелекле һәм файдалы эшләргә мотивацияләү.

Башкортстан Башлыгы Радий Хәбиров «Аек авыл» проекты башланганда ук республика халкының дөньяга карашы үзгәрүен, хакимиятнең тыюлар кертү генә түгел, ә альтернатива тәкъдим итүен ассызыклады.

Быел илнең Стратегик башлангычлар агентлыгы «Аек авыл» конкурсын «Халыкның тормыш сыйфаты» юнәлеше буенча «Яңа заманның көчле идеяләре» Топ-1000 исемлегенә кертте.

Конкурсның 5 елында 1200 тематик "түгәрәк өстәл", 13 000нән артык мәдәни-киңкүләм, мәгариф һәм 6000 спорт чарасы уздырылды.

«Аек авыл» конкурсында җиңүчеләрне бүләкләү чаралары ярдәмендә дүрт ел эчендә республиканың торак пунктларында 35 балалар һәм спорт мәйданчыгы, 25 парк һәм иҗтимагый территория барлыкка килде, 9 урам, 4 авыл мәдәният йорты, 6 мемориал яңартылды, яңа коммуналь техника сатып алынды. Авыл халкы приз фондын ничек сарыф итәргә икәнен үзе хәл итә. Территорияләрне төзекләндерүгә өстенлек бирелә.