+22 °С
Яңгыр
Җәмгыять
13 июнь 2024, 07:25
"Cәяхәт ит!" колач җәя
Кичә Мәскәүдә "Россия" халыкара күргәзмә-форумы мәйданчыгында "Cәяхәт ит!" туристик форумы узды.
"Cәяхәт ит!" колач җәя
Ул традицион рәвештә ике форматны берләштерә: эшлекле программа һәм масштаблы туристик фестиваль. Форум эшендә Башкортстан Республикасы эшкуарлык һәм туризм министры Зөһрә Гордиенко, муниципаль берәмлекләр, «Янгантау» геопаркы вәкилләре һәм туроператорлар катнашты. Туризм һәм кунакчыллык өлкәсендәге төп чараларның берсе 16 июньгә кадәр дәвам итәчәк.
Русия төбәкләре катнашлыгындагы грандиоз урам экспозициясе төп аллея һәм космонавтлар аллеясе буйлап урнашкан. Башкортстан республикасының «Туризмны үстерү үзәге» тарафыннан әзерләнгән стендта кунаклар башкорт тирмәсенә барып, чәй эчүдә катнаша, үлән чәе татып карый алачак. Шулай ук башкорт биюләре, җәядән ук ату, камчы белән эш итү буенча остаханәләр зоналары да эшләячәк.
Чаралар, тиешле рекреацион ресурслар булу сәбәпле, Башкортстан Республикасы эчке туризм өчен популяр һәм кызыклы төбәккә әверелә. Шулай ук вакыйгалы туризм төбәкнең уңай имиджын формалаштыруга, аның алга баруына йогынты ясый, – дип аңлатма бирде Зөһрә Гордиенко.
Республика стендында туристлык форумы көннәрендә кунакларга төбәктә планлаштырылган чаралар - «Купец 2.0» кунакчыллык фестивале, «БишБалык» гастрономия фестивале, шулай ук ЮНЕСКОның «Янгантау» глобаль геопаркы, шифаханәләр һәм яңа туристлык маршрутлары турында сөйләячәкләр.
Фото: pravitelstvorb.ru
