+21 °С
Болытлы
Җәмгыять
16 август 2024, 15:38
"Орленок" балалар лагере яңартылды
Республика Хөкүмәте Премьер-министры Андрей Назаров Урал аръягына эш сәфәрендә булганда Баймак районындагы «Орленок» сәламәтләндерү үзәгендә булды. Төбәк Башлыгы Радий Хәбиров кушуы буенча сәфәр барышында 80 ел элек төзелгән балалар лагерен реконструкцияләү мәсьәләсе буенча фикер алыштылар.
"Орленок" балалар лагере яңартылды
Хәзерге вакытта лагерьда 200гә якын бала ял итә. Җәйге каникуллар дәвамында барлыгы 600 бала һәм үсмер ял итәргә һәм «Орленок»та тематик белем бирү программаларын узарга мөмкинлек алачак.
- Республика Башлыгы һәм Башкортстан Хөкүмәте ярдәме белән 2022 елда ашханәгә капиталь ремонт ясый алдык. Безнең лагерьга сменалар алдан ук броньлана, чөнки күпчелек ата-аналар өчен юллама, республика субсидиясен исәпкә алып, 7497 сумга төшә. Бу бик матур урыннар, коллектив бик дус, балаларга ошый, – дип ассызыклады лагерь директоры Әлфия Уразаева.
Андрей Назаров җаваплы ведомстволарга сәламәтләндерү үзәген реконструкцияләү буенча барлык эшләрнең смета бәясен исәпләп чыгарырга кушты.
– Барлык исәпләүләрне ясарга, концепцияне эшләргә һәм шуннан соң «Орленок»ны реконструкцияләү мәсьәләсен карарга кирәк,-дип йомгаклады Премьер-министр.
Фото: pravitelstvorb.ru
