Уфада Халыкара форум дәвам итә

Бүген елның төп гуманитар чарасында катнашучыларның эш программасы бай: профильле секцияләрдә эшләү һәм һөнәри багланышларның актуаль мәсьәләләре буенча фикер алышу.

Мәдәният эшлеклеләре Башкорт дәүләт академия опера һәм балет театрының грек залында «Иҗади инновацияләр һәм БДБ илләренең милли мәдәни традицияләре» дискуссиясе өчен җыелачак. Югары мәктәп вәкилләрен санлы трансформация чорында фән һәм мәгариф проблемалары турында фикер алышу өчен Евразия фәнни-мәгариф үзәгенең студентлар кампусында көтәләр. БДБ илләрендә волонтерлык хәрәкәте елына «Волонтерлык җәмгыять үсеше ресурсы буларак: буыннар элемтәсе» мәйданчыгы багышланачак, аны «Йәшлек House» яшьләр киңлеге кабул итә.

Исегезгә төшерәбез, БДБ илләренең 200гә якын вәкиле катнашкан масштаблы чара 2006 елдан бирле төрле илләрдә уза. Русиядә слет дүртенче тапкыр уздырыла. Өч тапкыр чара Мәскәүдә үтте.

БДБның фәнни һәм иҗат интеллигенциясе форумнары - БДБ киңлегендә ел саен үткәрелә торган гуманитар чараларның берсе, анда узган елга нәтиҗәләр ясала, уртак гамәлләрнең планнары тикшерелә, фән, мәгариф, мәдәният, мәгълүмат, туризм, спорт, яшьләр белән эшләүнең аеруча актуаль мәсьәләләре буенча тәкъдимнәр эшләнә.

Фото: автор фотосы