Транспортта - 13 сум ташлама!

QR-кодлар һәм NFC-тамгалар белән табличкалар салонның төрле урыннарында урнаштырылачак, пассажирлар аларны теләсә нинди урында сканерлый алачак. Шулай ук кодны кондуктор да бирә ала. Түләү нәтиҗәләре буенча смартфонда электрон билет күренәчәк.

Түләү өчен үзеңнең банк кушымтаңнан яки геонтактсыз түләү функцияләреннән файдаланырга мөмкин, шулай ук СБП кушымтасын куллану уңайлы (RuStore яки App Gallery мөмкин), дип хәбәр итә түләү карталарының милли системасы сервисларын үстерү буенча директор Марина Точилова.

10 декабрьдән 31 декабрьгә кадәр пассажирлар QR-код буенча һәр түләү вакытында 13 сумга ташлама алачак. Барлыгы, автобуста барганда QR-код буенча 28 сум (Яңа елга кадәр) яки «Алга» картасы буенча 34 сум торачак.

«Алга» картасы һәм код буенча түләү — ул төрле сервислар, алар бергә туры килми. Пассажир вәзгыятькә карап теге яки бу ысулны сайлый ала. Мәсәлән, әгәр кеше бушлай күчеп утыру белән «бәхетле сәгать» хезмәтеннән файдалана икән — ул чагында транспорт картасын куллану отышлырак. Моннан тыш, "Алга " транспортның башка төренә күчеп утырганда да эшли (мәсәлән, шәһәр яны электричкасыннан шәһәр автобусына).

"Акчасыз түләүләр — кешеләр һәм транспорт системасы өчен уңайлы, - дип билгеләп үтте социаль карталар реестры җитәкчесе Олег Романов. - QR-код буенча түләүне куллану махсус инфраструктура — терминаллар, балансны тулыландыру пунктлары булдыруны таләп итми. Бу сервиска чыгымнар банк эквайрингына караганда шактый түбән. Монда ашыгыч рәвештә тулыландыру яки башка очраклар аркасында түләү үтмәү куркынычы юк. QR-кодлар буенча түләүне су транспортында да, канат юлында да кулланырга мөмкин, ул шәхси ташучылар өчен уңайлы», — дип күрсәтте ул системаның өстенлекләренә.

Әлегә QR-кодларны Уфа шәһәр маршрутларында сынап карарга һәм аннары республика буенча кертергә планлаштырыла. QR-кодлар һәм NFC-тамгалар белән 1,5 мең автобус, трамвай һәм троллейбус җиһазландырыла.