Иҗтимагый территорияләр төзек булсын!

Эксперт советын Дәүләт җыелышы-Корылтайның Торак сәясәте һәм инфраструктура үсеше комитеты рәисе­нең беренче урынбасары Елена Родина җитәкли. Күчмә чарада шулай ук профильле парламент комитеты рәисе Александр Андреев, торак-коммуналь хуҗалык министры урынбасары Асланбәк Хәй­дәров һәм Башкортстан­ның Торак һәм төзелеш күзәт­челеге буенча дәүләт комитеты рәисе урынбасары Илдар Насыйров катнаштылар.
Нефтекамада шәһәр хал­кының тавыш бирү йомгаклары буенча “Сәламәтлек сукмагы” аллеясы, “Светлое” күле яр буе һәм, шулай ук, урман массивында урнашкан велосипед юллары төзек­лән­дерелде.

Бүген “Сәламәтлек сукмагы” – Нефтекама халкының һәм кунакларының яраткан ял итү урыннарының берсе, көн саен биредә алты меңнән артык кеше була. Бу проектның мөһимлеге һәм нәтиҗәлелеге турында сөйли. Төзеклән­дерүгә 47 миллион сумга якын акча бүленгән, шул исәптән 44 миллион сумга якын акча федераль бюджеттан җәлеп ителгән. Күчмә чарада катнашучылар башкарылган эш­ләрнең сыйфатын югары бәяләде.

Николо-Березовкада Эксперт советы әгъзалары район Мәдәният йорты каршындагы мәйданда җәяүлеләр маршрутлары булган һәйкәлләр тирәсендәге территорияне төзекләндерү эшләренең барышын һәм сыйфатын бәяләде. Объект тавыш бирү барышында халык тарафыннан сайланган. Проектны гамәлгә ашыруга чыгымнар 8,8 миллион сум тәшкил иткән, шуның 8,2 миллион сумы – федераль бюджет акчалары.

Агыйделдә Беренче тө­зүчеләр урамындагы шәһәр паркында сквер, мәчет һәм Советлар Союзы Герое Абдулла Шаһиев һәйкәле янындагы территория төзеклән­дерелгән. Җәяүлеләр сукмаклары ремонтланган, яктырткычлар яңартылган, территория яшелләндерелгән. Объектта эшләр тулысынча төгәлләнгән.