Һәркем шөгыльләнә алачак!

Җиде көндә Башкортстанга идарә итү үзәге төрле сораулар буенча халыкның 4832 мөрәҗәгатен теркәгән. Узган атнадагы белән чагыштырганда, шәрехләр саны 520гә кимегән.

Аларның күпчелеге юллар темасына –─ 987. Сәламәтлек саклау темасына мөрәҗәгать­ләр саны артып, 681гә җиткән. Иң күп мөрәҗәгатьләр ташламалы дарулар белән тәэмин итү буенча килгән. Торак-коммуналь хуҗалык темасы өченче урында –─ 619 шәрех. Белорет шәһәреннән кайнар су булмауга шикаять­ләр күп килгән. Җылытуны арттыруны сорап мөрәҗәгать итүчеләр саны арткан.

Мәчетле районының Олы Устьикин авылында кыйгайган электр баганасы турайтылган. Аның якындагы йортка аву ихтималлыгы турында авыл кешесе пост астындагы шә­рех­ләрдә язган. Бу мәсьәләне хәл итү белән район хакимияте һәм Олы Устьикин авыл Советы шөгыльләнгән. Терәк­нең телефон элемтәсе казыгы булуы ачыкланган. Бераздан “Ростелеком” компаниясе белгечләре урынга чыгып, багананы турайтып куйган.

Уфада Сочи урамындагы юл чокырларын ремонтлаганнар. Февраль башында авто­һәвәскәрләрнең берсе ас­фальтның ватылуына игътибар иткән һәм юл өслеген ремонтлауны сораган. Бу хакта ул социаль челтәрләрдә язган, комментарийны “Инцидент-менеджмент” системасы тер­кәгән. Киров районы хакимияте проблеманы хәл итү белән шөгыльләнә башлаган. 12 февральдә район коммуналь хезмәте белгечләре юл чокырларын ямауны төгәллә­гән.
Бер кеше хәбәреннән соң Салаватның Батыр аллеясен­дә спорт тренажерын ремонтлаганнар. Шәһәр хакимияте мөрәҗәгатьне спорт җиһаз­ларын урнаштырган подрядчы оешмага тапшырган. 12 фев­ральдә тренажер ремонтланган.

Иглин районы үзәгендә Вологда урамы, 50/1 адресы буенча урам яктырткычлары алмаштырылган. Фонарьның озак вакыт янмавы турында урындагы кеше социаль чел­тәрләрдә язган. 7 фев­ральдә проблема хәл ителгән.

Шуңа охшаш мөрәҗәгать Мәләвез районыннан да килгән. Бер кешенең социаль челтәрләрдә бастырган үте­неченнән соң Арсланов урамы, 36 адресы буенча яктырткыч урнаштырылган. Гомумән алганда, соңгы җиде көндә Башкортстанның “Инцидент-менеджмент” мәгълүмат сис­темасы һәм “кире элемтә” платформасы төзек булмаган урам яктырткычлары буенча 75 хәбәр теркәгән. Мөрәҗә­гатьләрнең күбесе инде хәл ителгән, калганнары ─ эштә.

Кушнаренко авылының Балалар-үсмерләр спорт мәктә­бендә февральдә яңадан велоспорт секциясе эшли башлаган. Бу хакта урындагы халык сораган. Аларның берсе социаль челтәрләрдә Башкортстан Башлыгы Радий Хәбиров посты астында мөрә­җәгать язган, аны ЦУР мәгъ­лүмат системасы теркә­гән. Кушнаренко районы хакимияте мөрәҗәгатьне эшкә алган һәм Велоспорт федерациясе белән киләчәктә хезмәттәшлек һәм спорт инвентаре белән тәэмин итү турында килешү имзалаган. Спорт мәктәбенә 10 велосипед һәм 5 тренажер кайтарылган. 7 февральдә Кушнаренко авылында велосипед спорты секциясе эшли башлаган.

Ә Илеш районының Базытамак авылында кул сугышы буенча спорт секциясе ачыл­ган. Спорт белән шөгыльләнү теләге турында урындагы халык социаль челтәрләрдә берничә тапкыр язган: комментарийларны ЦУРның “Инцидент-менеджмент” системасы теркәгән, Илеш районы хакимияте эшкә алган. Мәсь­әлә районның Яшьләр сәя­сәте, физкультура, спорт һәм туризм комитеты белән берлектә каралган.

Авыл халкы белән киңәш­ләшеп, кул сугышы секциясен ачарга булганнар. Тренер Ростислав Умырбаев балалар белән шөгыльләнү өчен авылга килергә ризалашкан.
8 февральдән Базытамак урта мәктәбендә спорт дәресләре башланган.