+7 °С
Болытлы
Мәкалә
Гарьләнеп үләрсең, билләһи!Пычракка сузылып яткан...Башкортстан икътисады ни хәлдә?"Сез - чын геройлар..." Хатынга да алимент түләргәме? Айсылу яңа кияү тапкан Быелгы җәй нинди булачак?Производствода имгәнү очраклары кимегәнРадий Хәбиров нефть һәм ташкүмер сәнәгатен үстерү буенча стратегик сессиядә катн"Барысы да гади генә башланды"Аучылык хуҗалыгын үстерү нәтиҗәләре һәм 2025 елга бурычлар билгеләндеАвыл хуҗалыгы җирләрен әйләнешкә кертү мәсьәләсе каралдыИманлы да, эшлекле дә!Дүртөйле горурлыгыБеренче сыйныфка яздыру башланды“Күңелем давыл сорый...”Дәүләт имтиханнары нәтиҗәләре мөһим булмаячакРусиядә илне үстерү өчен идеяләр җыяларРәиснең шәхси үрнәгеБердәм эш хәерле була
Барлык яңалыклар
10
Җәмгыять
21 март , 09:55
Космик югарылыктагы мәсьәлә күтәрде
Сәләтле якташыбыз Илнар Хәйруллин ил Президенты Владимир Путин белән аралашты
Космик югарылыктагы мәсьәлә күтәрде
Президент Владимир Путин яшьләр белән әледән-әле төрле очрашулар үткәрә. Шундый очрашуларның берсендә Уфа егете Илнар Хәйруллин да илебез Президентына сорау бирде. Илнар Уфа шәһәренең 38нче мәктәбен тәмамлаган. Югары белем алыр өчен ул С. П. Королев исемендәге Самара университетына юллана. “Ракета-космос системаларын проектлауның мәгълүмати технологияләре һәм модельләштерү” белгечлеге буенча укырга керә.
Диплом алды практикасын ул СССР һәм Русия космик сәнәгатенең әйдәп баручы предприятиеләренең берсе – С. П. Королев исемендәге “Энергия” ракета-космик корпорациясендә үтә. Нәкъ шул вакытта якташыбыз Президент Владимир Путинның илебез космонавтикасын үстерү мәсьәләләре буенча үткәргән матбугат конференциясендә катнаша һәм дәүләт башлыгы белән аралаша.
Илнарның сүзләренчә, ул белем алган югары уку йортында талантлы, белемле, амбициоз чит ил яшьләре күп укый. Тик алар, югары белем алганнан соң, күп очракта үз илләрендә һөнәрләре буенча эш таба алмый.
– Хөрмәтле Влдимир Владимирович! Чит ил кешеләрен дә илебездә космонавтика файдасына эшләтүгә Сез ничек карыйсыз? – дип сорады ул ил Президентыннан.
Владимир Путин моңа уңай карашта булуын белдерде.
Бүген сәләтле якташыбыз, югары уку йортын уңышлы тәмамлап, С. П. Королев исемендәге “Энергия” ракета-космик корпорациясендә инженер-математик булып эшли.
Зөһрә ИСЛАМОВА.
Читайте нас: