0 °С
Болытлы
Барлык яңалыклар
10
Җәмгыять
22 март , 08:20
Закон ярдәм алучылар даирәсен киңәйтә
Дәүләт җыелышы-Корылтайның Президиум утырышы узды. Анда парламентның 30 еллыгына багышланган пленар утырыш 21 мартка билгеләнде һәм аның көн тәртибе раслады.
Закон ярдәм алучылар даирәсен киңәйтә
Бүген узачак юбилей утырышында депутатлар 40ка якын мәсьәләне караячак, аларның күпчелеге республика законнары проектларын тикшерүгә бәйле. Беренче тапкыр тавыш бирүгә чыгарылган иң актуаль закон проектлары арасында – “Һәлак булган (вафат булган) хәрби хезмәткәрләрнең, Русия Федерациясе Милли гвардиясе гаскәрләрендә хезмәт иткән кешеләрнең гаилә әгъзаларына өстәмә социаль ярдәм чарасы турында” Башкортстан Республикасы Законының 2 һәм 3 мәддәләренә үзгәрешләр кертү турында”.
– Закон проекты махсус хәрби операциядә һәлак булганнарның бер тапкыр бирелә торган матди ярдәм алучы гаилә әгъзалары даирәсен киңәйтә, – дип шәрехләде парламент Рәисе Константин Толкачев. – Әгәр аның гаиләсенең башка әгъзалары булмаса, 2 миллион сум күләмендә түләү алу хокукын һәлак булган сугышчының балигъ булган балаларына бирергә тәкъдим ителә. Түләү тигез өлешләрдә бүленәчәк. Шул ук вакытта өстенлекле хокук балигъ булмаган балаларда сакланып калачак: яшьләренә бәйле алар күбрәк матди ярдәмгә мохтаҗ.
“Башкортстан Республикасы территориясендә оешмалар табышына салым буенча инвестицион салым вычетын куллану турында” Башкортстан Республикасы Законының 3 мәддәсенә үзгәрешләр кертү турында”гы закон проекты колледжларның матди-техник базасын ныгытуга юнәлтелгән.
“Башкортстан Республикасы территориясендә оешмалар табышына салым буенча инвестицион салым вычетын куллану турында” Башкортстан Республикасы Законының 3 мәддәсенә үзгәрешләр кертү турында”гы закон проекты колледжларның матди-техник базасын ныгытуга юнәлтелгән.
– Урта һөнәри белем бирү учреждениеләренә җиһазларны түләүсез тапшыручы предприятиеләр оешмалар табышына салым түләгәндә инвестицион салым вычетыннан файдалана алачак, – диде Константин Толкачев. – Салым йөкләнешен киметү мөмкинлеге предприятиеләр өчен колледжлар белән тагын да тыгызрак хезмәттәшлеккә этәргеч бирер, дип өметләнәбез. Квалификацияле кадрлар әзерләү өчен теория генә аз, практика үтү дә кирәк. Ә моның өчен станоклар, җиһазлар кирәк. Бизнес һәм урта һөнәри белем бирү системасының хезмәттәшлеге комплекслы белем бирү-җитештерү мохите булдырырга ярдәм итәчәк һәм ахыр чиктә икътисадта кадрлар кытлыгын киметәчәк.
Башкортстанның Гаилә кодексына үзгәрешләр әзерләнде: аларга ярашлы, җенес алыштыру рөхсәт ителгән илләрдән килгән кешеләргә балаларны уллыкка алу тыела. Мондый дәүләтләр гражданнары һәм анда даими яшәүчеләр Башкортстан балаларын уллыкка ала, опекун һәм попечитель була алмаячак.
– Баланы тәрбиягә алган гаиләгә тапшырганда без аның сәламәт, гармонияле мохиттә үсәчәгенә ышанырга тиешбез, – диде Константин Толкачев. – Дәүләт дәрәҗәсендә рөхсәт ителгән гендер экспериментлар баланың психоэмоциональ халәтендә начар чагылырга мөмкин. Балалар традицион гаилә кыйммәтләрендә тәрбияләнеп үсәргә тиеш, бу – аларның имин үсешенең мәҗбүри шарты.
Утырышта, шулай ук, Дәүләт җыелышы-Корылтайның Ставрополь крае Думасы, Дагстан Республикасы Халык җыелышы һәм Чечен Республикасы Парламенты белән хезмәттәшлеге турында ике яклы килешүләр төзү мәсьәләләре каралачак.
Утырышта, шулай ук, Дәүләт җыелышы-Корылтайның Ставрополь крае Думасы, Дагстан Республикасы Халык җыелышы һәм Чечен Республикасы Парламенты белән хезмәттәшлеге турында ике яклы килешүләр төзү мәсьәләләре каралачак.
Читайте нас: