Радий Хәбиров Благовещенда күпбалалы гаиләгә кунакка килде

Гаилә башлыгы 2024 елның сентябрендә махсус хәрби операциягә ирекле рәвештә киткән, ә хәзер кыска вакытлы ялга туган якларына кайткан.

– Контрактка кул куйганда икеләнмәдем. Мине тормыш иптәшем, балаларым һәм 76 яшьлек әнием дә хуплады, – дип сөйләде Вахит Вәлиев. – Юлга кузгалыр алдыннан балаларны җыйдым, йорт эшләрен бүлештердем, кирәкле киңәшләр бирдем.

Радий Хәбиров хәрбигә генерал Шәйморатов медален тапшырды һәм Ватанга хезмәт итүе өчен рәхмәт белдерде.

Ирина Вервельская белдергәнчә, гаиләгә беренче тәрбиягә бала 2004 елда килгән. Бүген инде 13 өлкән балалары үз гаиләләрен корган һәм аерым яши.
– Бер улым армиядә хезмәт итә, бишесе мәктәптә укый, тагын тугызы югары уку йортларында һәм колледжларда белем ала, – дип сөйләде ул. – Ике улым һәм өч киявем махсус хәрби операция зонасында хезмәт итә.

2021 елда гаилә «Ата-ана батырлыгы» дәүләт бүләгенә лаек булган, 2023 елда – «Ана даны» медален алган. Ирина Вервельская Башкортстан Башлыгына мөрәҗәгать итеп, проблемалары булган улларының дәвалануында ярдәм күрсәтүне сорады. Баланың Яңавылдагы коррекцион мәктәптә укуын билгеләп үтте.

Радий Хәбиров бу мәсьәлә буенча республиканың Сәламәтлек саклау министрлыгына малайны Уфада тулысынча медицина тикшерүе уздыруны йөкләтәчәген әйтте.

Фото: glavarb.ru