Акча саклаганны ярата

Бүген Финанс университетының Уфа филиалында Бөтенрусия гаилә фестиваленең төбәк этабы уза. Башкортстанның финанс яктан иң грамоталы гаиләсе исеме өчен 27 гаилә көрәшәчәк. Алар барысы да - фестивальнең муниципаль этабында җиңүчеләр. Ул республика районнарында һәм шәһәрләрендә узды.

Фестивальнең муниципаль этабында барлыгы 200дән артык гаилә һәм 600 кеше катнашты.

Уфада фестивальдә катнашучы гаиләләр конкурс сынаулары узачак. Алар шулай ук гаилә бюджетын саклап калу һәм тупланмаларны арттыру турында беләчәк. «Башкортстан Республикасының финанс тикшеренүләре үзәге» коммерцияле булмаган автоном оешмасы директоры Евгений Декатов саклык акчаларын булдыру һәм инвестицияләү ысуллары, шул исәптән озак сроклы саклык программасы шартлары турында интерактив лекция уздыра.

Фестиваль мәйданчыгында барлык килүчеләр өчен салым түләүләре, страховкалау, инвестицияләр, мошенниклыкка каршы көрәш буенча консультация пунктлары, шулай ук уен мәйданчыклары эшли. Өлкәннәр һәм балалар үз теләкләрен финанс Теләкләр агачы яфракларына яза.

Конкурс азагында катнашучыларга «Саклык кенәгәләре» тапшыралар. Сынауларны барысыннан да яхшырак үтәгән гаилә көзен Мәскәүдә фестиваль финалында республика исеменнән чыгыш ясаячак.

Финанс университетының Уфа филиалы Мостай Кәрим ур., 69/1 йортта урнашкан.
Керү ирекле