Бабайның акчасын кайтарганнар

Аңа стационар телефонга янәсе телекоммуникация компаниясе хезмәткәре шалтыраткан, ул клиентның хезмәтләр килешүе вакыты тәмамлануын хәбәр иткән. Аны озайту өчен ул паспорт мәгълүматларын әйтеп торуны сорады. Зыян күрүче аларны әйткән, шуннан соң элемтә өзелгән.

Берникадәр вакыттан соң аның белән үзен тикшерүче дип таныштырган ир-ат элемтәгә керә. Ул хәбәр иткәнчә, пенсионер үзенең шәхси мәгълүматларын мошенникларга тапшырган, һәм хәзер аферистлар дошман оешмасы хисабына күчерү өчен аның кертеменнән акча алырга тырыша. Җинаять эше кузгату белән янап, ялган тикшерүче пенсионерны банк счетыннан барлык саклыкларын — 470 мең сумны алырга, аларны пакетка салырга һәм Уфага илтергә күндерә. Җинаятьчеләр ир-атка такси чакырткан, ул анда күрсәтелгән адрес буенча барып җиткән, анда акча салынган пакетны билгесез егеткә тапшырган.

Стәрлетамакка кайткач, ир-ат аферистлар хәйләсенә эләккәнен аңлый һәм полициягә мөрәҗәгать итә.

Русия Эчке эшләр министрлыгының Стәрлетамак буенча идарәсенең җинаятьчеләрне эзләү бүлеге хезмәткәрләре кыска вакыт эчендә мошенниклар курьерын — элек хөкем ителмәгән 19 яшьлек Туймазы районы кешесен ачыклаган һәм тоткарлаган. Егет үз гаебен таныган. Аның сүзләренчә, ул популяр мессенджерда өстәмә эш тапкан. Курьер пенсионердан акча алырга һәм аларны аферистлар күрсәткән счетка күчерергә тиеш була, суммадан үзенә күпмедер процент калдыра.

Полиция хезмәткәрләренең җайга салынган эше нәтиҗәсендә шикләнелүче моны эшләргә өлгермәгән, чөнки вакытында тоткарланган. Тентү барышында акча зыян күрүчегә кире кайтарылган. Ир-ат полицейскийларга оператив һәм грамоталы башкарылган эшләре өчен рәхмәт белдергән һәм аларга бүтән мошенниклар йогынтысына эләкмәскә вәгъдә иткән.

Әлеге факт буенча «Мошенниклык» мәддәсе буенча җинаять эше кузгатылган