Җитди эш башлана!

Әлеге программа инициатив бюджетлауның киң тарал­ган тәҗрибәсе булып тора, ул республикабызда 2014 елдан Урал аръягының 7 районы территориясендә пилот проекты буларак гамәлгә ашырылып килде. Проектлар географиясе 2016 елда барлык муниципаль берәмлекләргә һәм шәһәр округларына киңәйтелде.

“Урындагы башлангычларга ярдәм” программасы халыкка үз территорияләрен үс­терүгә актив йогынты ясау өчен уникаль мөмкинлек бирә. Инфраструктураның өстенлек­ле объектларын төзеклән­дерүне һәм үстерүне халык­ның киңәш­ләшеп билгеләве яшәү өчен уңайлы шартлар булдыруга ярдәм итә.
Стәрлебаш районы әлеге программада 2016 елдан катнаша. Бу вакыт эчендә 81 миллион сумнан артык суммага 110 проект гамәлгә ашырылды, акчаның 54 миллион сумнан артыгы Башкортстан бюджетыннан җәлеп ителде. Халыкның, иганәчеләрнең финанс чаралары һәм акчалата булмаган катнашуы югары оешканлык белән узды.

Программаның өстен­ле­кләре һәркемгә ачык. Проектлар халыкның реаль их­тыяҗ­ларын­нан чыгып формалаша. Бу һәр тавышның әһәмиятле булуын аңлата, чөнки халык бюджет акча­ларының ничек кулланылачагына турыдан-туры йогынты ясый ала. Икенчедән, урындагы халыкның уртак финанслауда катнашуы проект өчен җаваплылыкны һәм кызыксынуны арттыра. Өчен­чедән, проект тормыш сыйфатын һәм яшәү шартларын яхшыртуга юнәлтелгән, бу авылның тотрыклы үсешенә булышлык итә.

Нәтиҗәдә, халык карар кабул итү процессында дәррәү катнашканлыктан, бу гражданлык җәмгыятен формалаштыруга ярдәм итә.
Билгеле, проблемаларның күпчелеген һәрвакытта да авыл биләмәсе бюджеты хисабына хәл итеп булмый, шунлыктан “Урындагы башлангыч­ларга ярдәм” программасы – инициатив бюджетлау тәҗ­рибәсенең берсе, ул төбәк­нең социаль-икътисади үсеше стратегиясен гамәлгә ашыру инструменты булып тора. Программа авыл билә­мә­лә­рен­дәге аеруча кискен социаль проблемаларны тиз арада ачыкларга һәм хәл итәргә мөмкинлек бирә.

Әлбәттә, заявкаларның кайсына өстенлек бирү җиңел эш түгел, чөнки алар бюджет мөмкинлекләреннән һәрвакыт күбрәк.
Стәрлебаш районы халкы әлеге программаның чираттагы этабы гамәлгә ашырыла башлавын зур түземсезлек белән көтте. Хәзерге вакытта авыл җыеннары уза, анда проектны сайлау өчен кискен проблемалар барлана.
Авылларда яшәүчеләрнең бердәмлеге нәтиҗәсендә конкурста катнашучыларның барысы да җиңүгә ирешер, дип өметләнәбез.

Венера Шәрипова,
Стәрлебаш районы хакимияте башлыгының финанс мәсьәләләре буенча урынбасары, финанс идарәсе начальнигы.