Хәзер участокта коры һәм чиста

Бер атнада Республикага идарә итү үзәгенең мәгълүмат системалары халыкның 4825 хәбәрен теркәгән. Алдагы атнадагы белән чагыштырганда, мөрәҗәгатьләр саны 1560ка кимегән.

Юллар темасы беренче урында –─ 1082 хәбәр. Нигездә, юлларны һәм тротуарларны кардан чистарту, ремонтлау, чокырларны ямау буенча хәбәрләр булган. Ешрак Уфа, Белорет һәм Туймазы районнарында яшәүчеләр язган. Торак-коммуналь хуҗалык темасы буенча ─– 729 мөрәҗәгать. Җылы­лык сыйфатына, түбә­ләр­не кардан чистартуга, кайнар яки салкын су булмауга, торак-коммуналь хезмәтләр өчен түләүгә зарланучылар күп. Төзекләндерү буенча –─ 662 хәбәр. Ихата терри­торияләрен һәм җәмәгать урыннарын кардан чистарту зарурлыгы турында язганнар, яктылык булмау сәбәпле, шәрехләр калдырганнар.

Узган атнада Башкортстан ЦУРы муниципалитетлардан, министрлыклардан һәм ведомстволардан коллегалары белән бергә 4327 мөрәҗә­гатьне эшләгән. Халык җәмәгать транспорты, хәвеф­сезлек, мәгариф, мәдәният, коммуналь калдыклар белән эш итү темаларына да язган һәм шалтыраткан. Башкортстан ЦУРы барлык мөрәҗә­гатьләрне конт­рольгә алган һәм тиешле органнарга эшкә җибәргән.

Менә хәл ителгән берничә инцидент. Уфада Ленин ура­мы,154 адресы буенча баганадагы кабельне сүткәннәр. Аның турында социаль челтәрләрдә урындагы кеше хәбәр иткән. Башта белгечләр кабельдәге һәм чыбыктагы көчәнешнең куркыныч тудырмавын ачыклаган. Ә тиешле хезмәтләр бригадасы бушагач, кабель сүтелгән.
Федоровка районы үзә­гендә Ленин һәм Коммунистик урамнар чатын бозлавыкка каршы материал белән эшкәрткәннәр. Проблеманы Федоровка районы хакимияте һәм профильле хезмәтләр белгечләре хәл иткән.

Уфалылар исә социаль челтәрләрдә Рудольф Нуреев урамындагы 14нче йорт янындагы пандусны кардан һәм боздан чистартуны сораган. Октябрь районы хакимияте хез­мәт­кәрләре профильле хез­мәтләр белән элемтәгә кергән һәм берничә көннән халыкның үтенечен үтәгән.

Уфа районының Жуково авылы халкы социаль челтәр­ләрдә 171нче маршрут буенча пассажирлар йөртү графигы үтәлмәүгә зарланган. Башкорт­станның Транспорт һәм юл хуҗалыгы министрлыгы хезмәт­кәрләре бу мәсьәләне эшкә алган. Республикага идарә итү үзәгендә министрлык җитәкче­леге һәм аңа буйсынган оешмалар – Юл хәрәкәтен оештыру үзәге, Башкортстанның Юл хуҗа­лыгы идарәсе, Транспорт дирекциясе белән узган киңәш­мәдә җитди мәсьәләләр каралды. Болар –─ елга һәм су транспорты, тимер юл элем­тәсе, эре транспорт объектларын ремонтлау. Куел­ган бурычлар кон­трольгә алынган һәм үтәләчәк, дип ышандыралар.

Ял көннәрендә Чишмә районының Шиңгәккүл авылына юлны кардан чистартканнар. Техника Шиңгәккүл, Исаковка авылларында, “М-5” трассасыннан Богомоловка авылына кадәр юлны чистарткан. Элегрәк халык социаль челтәрләрдә бу юлларның торышына зарланган булган. Чишмә районы хакимияте инцидентларны эшкә ал­ган. Һәм менә көтелгән нәтиҗә.
Туймазы шәһәрендә үзәк район дәваханәсенең хирургия корпусында ремонт үткәрелгән. Бер хатын үзенең мөрәҗәгатен былтыр ноябрь­дә Башкортстан Башлыгы Радий Хә­бировның “Туры элемтә”сенә җибәргән. Сәла­мәтлек саклау министрлыгы хезмәткәрләре мәсьә­ләне эшкә алган. Дәва­ханә җитәк­челеге хәбәр итү­енчә, икенче катта стеналар буялган, түшәмнәр агартылган, сантехника алыштырылган. 26 фев­ральгә Туймазы үзәк район дәваханәсенең хирургия корпусында барлык ремонт эшләре төгәлләнгән.
Р

адий Хәбиров белән “Туры элемтә”гә Стәрлетамак рай­онының Яңа Отрадовка авылында яшәүче хатын да мө­рәҗәгать иткән булган. Аның Матросов урамындагы йорты янында даими су җыелган һәм ул шушы проблеманы хәл итүләрен сораган. Белгечләр суүткәргеч торба урнаштырган һәм юлга комташ салган. Хәзер участокта андый проблема юк.