+8 °С
Облачно
Җәмгыять
18 Апреля , 14:30
Шиханнар чистарып калды
18 апрельдә «Торатау» геопаркы оештырган «Чиста шиханнар» акциясендә 150дән артык битараф булмаган кеше катнашты. Алар барысы да дүрт объектка: Торатау, Куштау һәм Йөрәктау тауларына, Күк-Караук шарлавыгына таралды. Журналистлар Торатау итәгендә булды.
Шиханнар чистарып калды
Билгеләнгән вакытка оештыручыларның барысы да әзер иде: өстәлгә талпаннарга каршы дару салынган ачык шешәләр тезелде. Янәшәдә чүп-чар өчен ныклы пакетлар һәм дистәләгән пар перчаткалар ята иде. Ерактарак берничә ир-ат утын ярды һәм казан астында учак ягып җибәрде, волонтерларны кайнар төшке аш көтеп торсын өчен.
– Акция традициягә әйләнде, быел без аны 22 апрельдә билгеләп үтелүче Халыкара Җир көненә багышладык, – диде геопарк директоры Заһир Хәдимуллин. - Монда, экологик өлештән тыш, тәрбияви момент та бар: кешеләргә табигатькә сакчыл мөнәсәбәтнең әһәмиятен җиткерергә тырышабыз.
Заһир Хәдимуллин сүзләренә караганда, өмәгә волонтерлар, студентлар, Ишембай, Стәрлетамак һәм авылларның битараф булмаган кешеләре җыелган. Хәрәкәткә республиканың Эшкуарлык һәм туризм министрлыгы вәкилләре дә кушылды. Барысының да бурычы гади генә булмаса да, игелекле: өч Шихан битләүләрендә һәм аларга якын территорияләрдә, шулай ук Күк-Караук шарлавыгы янында очып йөрүче чүп-чарны җыю.
Иреклеләр арасында Ишембайдан Торатауга килгән Светлана Хамова һәм Алена Каунова да бар иде.
- Без акция турында социаль челтәрләрдән белдек, - дип хәбәр итте Алена. - Мин әле ялда, буш вакытым бар, шулай булгач, нигә бармаска? Игелекле эш тә кылырбыз, табигатьтә дә булырбыз. Тоташ файда һәм шатлык.
Сөйләшүне Аленаның дусты Светлана да хуплады:
- Мин айга бер тапкыр табигатьне җыештырырга сүз бирдем. Кайда, елга ярындамы, әллә үз йортың ишегалдындамы-мөһим түгел. Кыш көне мин кошларны ашата идем. Минемчә, һәр кеше әйләнә-тирә мохитне яхшыртуга көченнән килгәнчә өлеш кертергә тиеш.
Өмәгәг шулай ук Мисырдан УУНиТның Ишембай филиалының чит ил студентлары килгән. Өченче курс студентлары Мәхмүд Иед, Мөхәммәд Сәлим безгә Каһирәдән, Абдулла Маргани Асуаннан килде.
-Безнең Мисырда да охшаш чаралар була. Сездә кешеләр бик яхшы, табигать матур, дөрес, кыш көне бик салкын. Сездә һава торышы кырыс, әмма тулаем алганда безгә ошый, - ди алар.
Сүз уңаеннан, быел Торатау итәгендә чүп-чар бик аз иде. Бәлки, кешеләр күбрәк аңлый башлаганнардыр һәм калдыкларны җиргә ташламый башлаганнардыр, ә бәлки, озак кыштан соң туристлар әле тау битләрен чүпләп өлгермәгәннәрдер. Эш бетү белән волонтерларны өстәл янына чакырдылар.
Мондый акцияләр уникаль табигать һәйкәлләрен чистартып кына калмый, төрле яшьтәге һәм төрле милләт кешеләрен дә берләштерә, ә чит ил студентлары өчен бу алар укый һәм киләчәктә яшәргә һәм эшләргә планлаштыра торган ил мәдәниятенә кушылу өчен уникаль мөмкинлек.
Чыганак: "Восход" гәзите.
– Акция традициягә әйләнде, быел без аны 22 апрельдә билгеләп үтелүче Халыкара Җир көненә багышладык, – диде геопарк директоры Заһир Хәдимуллин. - Монда, экологик өлештән тыш, тәрбияви момент та бар: кешеләргә табигатькә сакчыл мөнәсәбәтнең әһәмиятен җиткерергә тырышабыз.
Заһир Хәдимуллин сүзләренә караганда, өмәгә волонтерлар, студентлар, Ишембай, Стәрлетамак һәм авылларның битараф булмаган кешеләре җыелган. Хәрәкәткә республиканың Эшкуарлык һәм туризм министрлыгы вәкилләре дә кушылды. Барысының да бурычы гади генә булмаса да, игелекле: өч Шихан битләүләрендә һәм аларга якын территорияләрдә, шулай ук Күк-Караук шарлавыгы янында очып йөрүче чүп-чарны җыю.
Иреклеләр арасында Ишембайдан Торатауга килгән Светлана Хамова һәм Алена Каунова да бар иде.
- Без акция турында социаль челтәрләрдән белдек, - дип хәбәр итте Алена. - Мин әле ялда, буш вакытым бар, шулай булгач, нигә бармаска? Игелекле эш тә кылырбыз, табигатьтә дә булырбыз. Тоташ файда һәм шатлык.
Сөйләшүне Аленаның дусты Светлана да хуплады:
- Мин айга бер тапкыр табигатьне җыештырырга сүз бирдем. Кайда, елга ярындамы, әллә үз йортың ишегалдындамы-мөһим түгел. Кыш көне мин кошларны ашата идем. Минемчә, һәр кеше әйләнә-тирә мохитне яхшыртуга көченнән килгәнчә өлеш кертергә тиеш.
Өмәгәг шулай ук Мисырдан УУНиТның Ишембай филиалының чит ил студентлары килгән. Өченче курс студентлары Мәхмүд Иед, Мөхәммәд Сәлим безгә Каһирәдән, Абдулла Маргани Асуаннан килде.
-Безнең Мисырда да охшаш чаралар була. Сездә кешеләр бик яхшы, табигать матур, дөрес, кыш көне бик салкын. Сездә һава торышы кырыс, әмма тулаем алганда безгә ошый, - ди алар.
Сүз уңаеннан, быел Торатау итәгендә чүп-чар бик аз иде. Бәлки, кешеләр күбрәк аңлый башлаганнардыр һәм калдыкларны җиргә ташламый башлаганнардыр, ә бәлки, озак кыштан соң туристлар әле тау битләрен чүпләп өлгермәгәннәрдер. Эш бетү белән волонтерларны өстәл янына чакырдылар.
Мондый акцияләр уникаль табигать һәйкәлләрен чистартып кына калмый, төрле яшьтәге һәм төрле милләт кешеләрен дә берләштерә, ә чит ил студентлары өчен бу алар укый һәм киләчәктә яшәргә һәм эшләргә планлаштыра торган ил мәдәниятенә кушылу өчен уникаль мөмкинлек.
Чыганак: "Восход" гәзите.
Новости партнеров
