

Мәрхүм җырчы Юрий Шатунов гаиләсе продюсер Андрей Разинга каршы җинаять эше буенча зыянны инде 500 миллионга түгел, ә 1 миллиард сумга бәяләгән. Барысы да Юрий Шатуновның үзе белән турыдан-туры бәйле мошенниклыкның икенче эпизоды аркасында.
Тикшерү Разин еллар буе хит җырлар авторы Сергей Кузнецов белән ялган килешү кулланып, "Ласковый май" аркасында акча эшләгән дип саный. Гади һәм пычрак схема - фиктив кәгазьләр, лицензияләр, чын варислардан яшерлгән акча. Беренче эпизод буенча - 500 млн сум тирәсе, хәзер сумма икеләтә артырга мөмкин.
Разин үзе декабрьдә үк Русиядән киткән иде һәм хәзер Флоридада, Майамида качып ята. Анда аның туганнары бар диләр. Ә Русиядә - җинаять эше һәм әлегә беркем дә җавап бирмәгән сораулар калган. Ә намусы ике арада төшеп калган, күрәсең...
Фото: социаль челтәрдән.