+14 °С
Облачно
Җәмгыять
2 Мая , 05:20
Әниегез алданмасын дисәгез..
─ Әнием миннән еракта яши, пенсия картасына килә, банкның мобиль кушымтасыннан тиешенчә файдаланырга өйрәнде. Ләкин инде берничә тапкыр артык ышанучанлыгы нәтиҗәсендә акчасын югалтты: “газчыларга” “ниндидер җиһазларны тикшерү” өчен түләде, ә күптән түгел акчаларын “хәвефсез исәпкә” күчергән, ярый да алар күп булмаган. Бу очракта нәрсә эшләргә була?
Әниегез алданмасын дисәгез..
─ Нәкъ менә шундый очраклар өчен банклар “икенче кул” сервисын кертте. Әниегезгә ышанычлы кешене сайларга кирәк, – мәсәлән, сезне, һәм сезнең, аның “икенче кулы”ның нинди операцияләрне хуплавыгызны билгеләргә кирәк. Бу акчаларны күчерү һәм алу булырга мөмкин.
“Икенче кул” раслау кирәк булган минималь суммаларны үзегез билгелисез – мәсәлән, 10 мең сумнан. Һәм әниегез бирелгән критерийларга туры килүче операция ясарга уйласа, банк ышанычлы кешегә планлаштырылган акча күчерү яки алу турында хәбәрнамә юллаячак. Әгәр дә барысы да яхшы икән, “икенче кул” операцияне раслый, шик бар икән, әниегез белән элемтәгә керергә һәм моның нинди акча күчерү яисә алу икәнлеген ачыкларга мөмкин. Карар кабул итүгә “икенче кул”ның 12 сәгате бар. Әгәр бу вакыт эчендә ул операцияне кире какса яки берни дә эшләмәсә, банк транзакцияне гамәлдән чыгарачак.
