+19 °С
Облачно
Җәмгыять
28 Мая , 13:30
«Бизнес хатын-кызлары» III зур хатын-кызлар форумы уңышлы узды
Кичә Уфада фәнни-мәгариф үзәгендә (НОЦ) Башкортстан Республикасында эшкуарлык атналыгы кысаларында ел саен үткәрелә торган «Бизнес хатын-кызлары» III зур хатын-кызлар форумы уңышлы узды.
«Бизнес хатын-кызлары» III зур хатын-кызлар форумы уңышлы узды
Төбәкнең эре эшлекле һәм коммуникация мәйданчыгы 250дән артык катнашучыны берләштерде, алар арасында — Башкортстан Республикасының әйдәп баручы хатын-кыз эшкуарлары, үзмәшгульләр, кәсепчеләр, профильле экспертлар, иҗтимагый берләшмәләр җитәкчеләре, шулай ук эшмәкәрлеккә ярдәм институтлары һәм хакимият органнары вәкилләре.
Чараны «Бизнес хатын-кызлары» ассоциациясенең Башкортстан Республикасы буенча төбәк бүлеге оештырды. Форум уздырылган елларда хатын-кызларның икътисади активлыгын арттыру, кече һәм урта эшкуарлыкны үстерү, шулай ук республикада уңай эшлекле мохит формалаштыру өчен төп корал статусын беркетте.
— Бездә хатын-кыз эшкуарларның ике көчле ассоциациясе эшли, һәм бу бизнес-бергәлекнең берләшә белүе һәм партнерлыкта көч күрүе турында сөйли. Без һәрвакыт мондый башлангычларны хуплыйбыз, чөнки хатын-кызлар эшкуарлыгын үстерү - безнең ведомство өчен мөһим юнәлешләрнең берсе. Безнең аналитика буенча, «Минем бизнес» үзәге хезмәтләренең 80 проценты - нәкъ менә хатын-кызлар. Шул ук вакытта финанс чараларыннан эшкуар хатын-кызларның якынча өчтән бере файдалана. Бу хатын-кызларның бизнеска бик аңлы рәвештә якын килүен күрсәтә: башта консультацияләр алалар, мөмкинлекләрне өйрәнәләр һәм соңыннан гына финанс карарлар кабул итәләр. Безнең бурыч - аларга эшкуарлык юлын башлап җибәргәндә ышанычлырак булырга ярдәм итү, - дип билгеләп үтте Башкортстан Республикасы эшкуарлык һәм туризм министры Светлана Верещагина.
III форумның үзенчәлеге булып гамәли форматларның югары тыгызлыгы тора. Эксперт сессияләре белән параллель рәвештә төп залда тематик мәйданчыклар һәм эксперт бүлмәләре эшләде, анда катнашучылар конкрет бизнес-кейсларны тикшерде һәм үз тармакларының тар махсуслаштырылган сорауларына җаваплар алды; бизнес алып баруның юридик, финанс һәм маркетинг аспектларын, шулай ук балаларның сәламәтлеген һәм белемен саклау мәсьәләләрен үз эченә алган шәхси консультацияләр зонасы; бизнес өчен уен технологияләре зоналары, анда катнашучылар эшлекле уеннар һәм интерактив механика ярдәмендә бизнес күнекмәләрен, кризиска каршы фикерләүне һәм командалы багланышларны үстерде.
- Тулаем эшкцарлык турында сөйләсәк, безнең ведомство өчен социаль эшкуарлыкны үстерү - төп өстенлекләрнең берсе. Статистика мәгълүматлары буенча, социаль эшкуарларның 70 проценты — хатын-кызлар. Һәм бу хатын-кызларның бизнеска нәтиҗәлелек күзлегеннән генә түгел, ә аңа күңелләрен, кешеләргә ярдәм итү һәм үз тирәсендәге тормыш сыйфатын үзгәртү теләген дә салулары турында сөйли. Бүгенге көндә социаль хезмәтләр күрсәтүче коммерциячел булмаган күп кенә оешмалар безнең министрлык ярдәмендә оештырылды һәм вакыт узу белән социаль базарда төп уенчыларга әверелде, — дип шәрехләде Башкортостан Республикасының гаилә, хезмәт һәм социаль яклау министры Ольга Кабанова.
«Бизнес хатын-кызлары» форумы чираттагы тапкыр Башкортстанда хатын-кызлар эшкуарлыгы икътисад турында гына түгел, ә лидерлык, партнерлык, социаль җаваплылык һәм төбәк үсеше турында да раслады. Катнашучылар яңа белемнәр һәм эшлекле элемтәләр генә түгел, хакимият, ярдәм институтлары һәм эксперт җәмгыяте вәкилләре белән ачык диалог мөмкинлеге дә алды.
Фото: Башинформ
