Бәхеткә һәм гармониягә омтылыш кайдан башлана?

      Нәрсә соң ул бәхет? Минемчә, бу төшенчәне һәркем үзенчә аңлый һәм бәяли. Тик, ничек кенә булмасын, дөньяга кеше бәхетле булыр өчен туа. Әйе, бәхетне һәркем төрле бизмәнгә салып үлчи. «Һәркемнең үз бәхете» дигән әйтем дә, бәлки, шуннан чыгып әйтелгәндер. «Хатын-кызның чын бәхете – тату гаилә корып, ана булуда», я «Бәхет – ул кешенең эчке тынычлыгы, ә инде аның ачкычы һәркемнең үз кулында», – дип әйтүчеләр дә бар.
      “Хатын-кыз бәхете территориясе”нә килүче һәркемнең дә әлеге сорауга үз җавабы булгандыр, билгеле.
      VI Бөтенрусия ачык академиясе кысаларында “Сәнгать һәм сәясәт” эксперт мәйданчыгы эшчәнлегендә шушы сорауга да җавап эзләнде.
      Режиссер һәм продюсер Лина Арифулина модератор булган панель сессиясендә катнашучы спикерлар сәнгать һәм мәдәниятнең дәүләт карарларын кабул итү өлкәсенә ничек үтеп керүе турында үз фикерләрен белдерде.
      Дәүләт думасы депутаты, «Бердәм Россия» фракциясе җитәкчесе урынбасары Андрей Исаев белдергәнчә, сәнгать һәм сәясәтне бер уртак максат берләштерә. Ул ике өлкәне чагыштырып, бөек урыс шагыйре Александр Пушкинның шигырь юлларын тәкъдим итте:
“...Они сошлись. Волна и камень,
Стихи и проза, лед и пламень
Не столь различны меж собой.
Сперва взаимной разнотой
Они друг другу были скучны;
Потом понравились; потом
Съезжались каждый день верхом
И скоро стали неразлучны....”
     Андрей Исаев сүзләренчә, ике өлкә дә кешенең бәхеткә һәм дөньякүләм гармониягә ихтыяҗын канәгатьләндерергә омтыла. Ул билгеләп үтүенчә, партиянең “Халык программасы” гражданнарның нәрсәне үзгәртергә кирәклеге турындагы фикеренә нигезләнә. Ләкин ул бу юлның кеше теләкләренең каршылыклы булуы аркасында катлаулы булуын таный, әмма партия кешеләрне ишетергә әзер. Моннан тыш, Андрей Исаев сәнгатьнең мәгънәләрен җиткерергә һәм хаталарны күрсәтергә ярдәм иткән сәнгатьнең мөһимлегенә басым ясады, сәнгатьнең – сәясәтсез яши алмавын, ә сәясәтнең иҗтимагый аңны формалаштыру өчен сәнгатькә мохтаҗ булуын ассызыклады.
     Башкортстан Хөкүмәте Премьер-министры Андрей Назаров үз чыгышында ассызыклавынча, сәясәт – ул мөмкин булганның сәнгате генә түгел, ә сәясәтче чынбарлык рәссамы буларак чыгыш ясый, стратегия һәм мәгънәләр формалаштыра.
      Ул сәнгать һәм сәясәт берлегенә кагылышлы берничә төп юнәлешне аерып күрсәтте. Алар арасында ул “Эмоциональ интеллект”, “Сәнгать – сәясәт теле буларак”, “Сәнгать – сәяси тормыш көзгесе кебек”, “Идарәнең креатив инструментлары”н атады.
      Социаль психолог, социолог, социаль маркетинг институтының сәяси анализ буенча директоры Виктор Потуремский, заманча сәясәтче хәстәрләргә генә түгел, ә кешеләрнең хисләрен конкрет нәтиҗәләргә «канализацияләргә» тиеш.
      «Хатын-кыз бәхете территориясе» хәйрия фондының Попечительләр советы рәисе Каринэ Хәбирова үз чыгышында "Хатын-кыз бәхете территориясе" проектын үстерү турында сөйләде, команданың аны киңәйтергә түгел, ә тирәнәйтергә һәм файдалырак итәргә карар кылуын ассызыклады. Проект кысаларында инде хатын-кызлар өчен көндезге белем бирү һәм махсус хәрби операциядә катнашучыларның хатыннарына һәм аналарына ярдәм итүгә юнәлтелгән башлангычлар кебек төрле юнәлешләр барлыгын ассызыклады.
      Киләсе фикер алышуда катнашучылар махсус хәрби операция узу шартларында иҗат ватанпәрвәрлек һәм милли тиңдәшлек күрсәтүче буларак аерым, стратегик әһәмияткә ия була дигән фикергә килделәр. Телевидение алып баручысы Юлия Барановская, Башкорт академия опера һәм балет театрының сәнгать җитәкчесе Әскар Абдразаков, режиссер Лина Арифулина һәм җырчы Пелагея сәнгатьне берләштерүче көч, халык, патриотик җырларының көче, СВО сугышчылары өчен аларның рухи ярдәм һәм әхлакый рухны ныгыту коралы булуы турында сөйләде.
      Башкортстанның халык артисты Әскар Абдразаковның «Широка страна моя родная» легендар композициясен Башкорт дәүләт опера һәм балет театры хоры белән бергә башкаруы сәнгатьнең берләштерүче көч икәнлегенең дәлиле булды.

      Фикер алышуның алдагы блогында театр һәм кино актеры һәм режиссеры Андрей Соколов, хәрби хәбәрче Семен Пегов һәм шагыйрә, волонтер Анна Долгарева хәзерге заман елъязмасын ничек язарга, хәзерге заман геройлары турындагы истәлекне ничек төшерергә кирәклеге турында сөйләделәр.
      «Идарә итү өчен креатив инструментлар» йомгаклау блогында идарәченең тышкы кыяфәте турында коммуникация һәм җәмгыять ышанычының стратегик инструменты буларак сөйләделәр. Секциянең төп спикеры булып танылган мода тарихчысы һәм сәнгать белгече Анатоль Вовк чыгыш ясады.
      «Сәнгать һәм сәясәт» эксперт мәйданчыгында катнашучы һәркем үзен борчыган сорауларга җавап табып, илһамланып, киләчәккә якты өметләр белән чыкты. Алар арасында эшкуар, модельер, "Русиянең яшь эшкуары" Бөтенрусия премиясе җиңүчесе Гөлнара Хәсәнова да бар иде. Ул үз фикерен белдереп, болай диде: “Хатын-кыз бүген бөтен дөньяны иңнәрендә тота кебек. Без көчле, акыллы, сизгер, белемле, кайгыртучан. Хатын-кыз бер үк вакытта үз проектын алып бара ала, менеджер, тәрбияче, коуч, гаилә киңлеген һәм ялын оештыручы да ул.
      Шуңа күрә дә безгә ярдәм кирәк. Ә ул шундый колачлы булганда, моңа бәя юк. Мин бүген «Хатын-кыз бәхете территориясе» форумында булдым. «Сәнгать һәм сәясәт» эксперт мәйданчыгы программасына сокландым. Ике сәгать эчендә Мин Ay Yola, Мария театры солисты Әскар Абдразаков, Пелагея чыгышларын күрә алдым. Русиянең иң акыллы, белемле, сәләтле хатын-кызлары һәм ир-егетләре: режиссер, политолог, социолог, маркетолог, алып баручылар һәм башкаларның лекцияләрен тыңладым. Гадәти тормышта мондый кешеләр белән очрашып булмый, ә инде шушындый курслар бәяләп бетергесез, ә монда барысы да ачык. Республика хатын-кызлары өчен бу – чын бүләк!”
      Әйе, сәнгать тә, сәясәт тә кешене бәхеткә һәм дөньякүләм гармониягә ихтыяҗын канәгатьләндерергә омтыла.

Автор фото: Зухра Исламова.