+13 °С
Облачно
Җәмгыять
3 Сентября , 06:45
Авыр хәлдә ярдәмсез калмаган
Апрельдә Уфада Гафури урамындагы торак йортка пилотсыз очкыч һөҗүм итү нәтиҗәсендә Хезмәт медицинасы һәм кеше экологиясе институты лаборантының яшәү урыны зыян күргән иде. Ханым авыр хәлдә ярдәмсез калмаган: аңа беренчел профсоюз оешмасы һәм Сәламәтлек саклау хезмәткәрләренең республика профсоюзы ярдәм иткән.
Авыр хәлдә ярдәмсез калмаган
«Бәлагә юлыккан кеше өчен матди ярдәм генә түгел, ә авыр вакытта ярдәм итәргә әзер кешеләр һәм оешманың булуын аңлау да мөһим. Оперативлыгы һәм бәяләп бетергесез мораль ярдәме өчен профсоюзга аерым рәхмәт белдерәм», — дип язды Лилия Сәмиева социаль челтәрдә профсоюз оешмасына рәхмәтен белдереп.
Әйе, авыр тормыш шартларында ярдәм итү — Сәламәтлек саклау хезмәткәрләре профсоюзы эшчәнлегенең мөһим юнәлешләренең берсе. Катлаулы хәлдә калган профсоюз әгъзаларына ярдәм күрсәтү программасы республика сәламәтлек саклау хезмәткәрләре профсоюзында инде 20 елдан артык гамәлдә.
Ярдәм, аерым алганда, янгыннардан һәм бәхетсезлек очракларыннан зыян күрүчеләргә, шулай ук каты авырулар белән очрашкан профсоюз әгъзаларына күрсәтелә. Агымдагы ел башыннан гына да профсоюзның 11 әгъзасы ярдәм алган. Түләүләрнең гомуми суммасы 317,5 мең сум тәшкил иткән. Бу саннар артында — конкрет кешеләр һәм аларның тормыш шартлары.
«Авыр хәлләрдә профсоюзның төп бурычы — кешене бәла-каза белән ялгызы гына калдырмау, кирәкле ярдәм күрсәтү һәм кеше аеруча мохтаҗ булган вакытта аңа ярдәм итү», — дип билгелиләр оешмада.
