Кушнаренкода Топорниннар утары территориясен төзекләндерү дәвам итә

Башкортстанда сакланган иң борынгы дворян утарларының берсен XIX гасыр башында төзегәннәр. Крепостнойлык хокукы бетерелгәннән соң Топориннар утарны Грибушиннар сәүдәгәрләре гаиләсенә саталар. XX гасырда биредә балалар приюты, тәҗрибә бакча станциясе, авыл хуҗалыгы техникумы урнашкан, ә Бөек Ватан сугышы елларында Коминтернның разведка мәктәбе эшләгән. 1990нчы елларда бинада янгын чыккан, һәм шуннан бирле бу архитектура һәйкәле ярым җимерек хәлдә.

Исегезгә төшерәбез, төбәк әһәмиятендәге мәдәни мирас объектын тергезү һәм аның тирәсендәге территорияләрне тәртипкә китерү мәсьәләсен 2022 ел нәтиҗәләре буенча республика Башлыгы йөкләмәсе нигезендә тикшерә башладылар.

“Топорниннар сукмагы” проекты “Яшәү өчен Инфраструктура” гомумдәүләт проектының “Уңайлы шәһәр мохитен формалаштыру" Федераль проекты кысаларында уздырыла торган уңайлы шәһәр мохитен булдыру буенча Бөтенрусия конкурсында җиңүче булды.
Аны гамәлгә ашыруга 149,3 миллион сум юнәлдерелгән, шул исәптән 68,9 миллион сум федераль бюджеттан җәлеп ителгән.

Кушнаренко районы хакимияте башлыгы Марат Латыйпов сүзләренчә, эшкә 2026 елда керешкәннәр. Проект Топорниннар йорты тирәсендә Һәм Кызлар тавы итәгендә иҗтимагый аралык формалаштыруны күздә тота. Биредә архитектура һәйкәлен, тау битен, күренеш нокталарын һәм «Самолет» паркына якын килүне берләштерәчәк тулы канлы ял итү-рекреация зонасы булдырыла.
Тулырак: https://glavarb.ru/ru/news/event/v-kushnarenkovskom-rayone-prodolzhayut-blagoustroystvo-territorii-vokrug-usadby-toporninyh-92480/