Халыкара күзәтүчеләр тәҗрибә уртаклашты

20 сентябрьдә Башкортстан сайлауларын күзәтү буенча иҗтимагый штаб әгъзалары 5 илдән килгән халыкара күзәтүчеләр һәм экспертлар (9 кешедән торган делегация) белән очрашты.

Төбәк штабы әгъзасы Булат Сафин кунаклар килгән илләрдә сәламәтлек мөмкинлекләре чикле кешеләр өчен, шул исәптән сукырлар һәм начар күрүчеләр өчен уңайлы мохит ничек оештырылуы турында сорау бирде. 

Бразилиядән Марко Антонио де Фрейташ Кутиньо җавап бирде: "Безнең илдә электрон тавыш бирү тулысынча кулланыла. Участокларда кулланыла торган тавыш бирү электрон аппараты Брайль шрифты белән җиһазландырылган, шулай ук аудио озату чарасы бар, кандидатларның фамилияләрен тыңлау мөмкинлеге бар. Мин сезнең тавыш бирү участокларының мөмкинлекләре чикле кешеләр аларга тыныч кына барып җитә алырлык итеп урнашуына игътибар иттем, ә аларның күбесе пандуслар белән җиһазландырылган". 

Индонезиядән Хасто Кристиано билгеләп үткәнчә, аларның илендә закон дәрәҗәсендә сайлау участокларында уңайлы мохит булдырырга мәҗбүр итүче нормалар бар. Төп моментлар: 1) закон керү урыны инвалид коляскасында йөрү өчен уңайлы булган өслек дәрәҗәсендә булуын таләп итә-ягъни бусагасыз, пандуслар белән. 2) участокта тавыш бирү уңайлылыгы өчен инвалидлар ихтыяҗларына җайлаштырылган махсус өстәлләр яисә урыннар булырга тиеш; 3) әгәр сайлаучыга участокка мөстәкыйль килү (яисә бюллетень тутыру) кыен булса, ул ярдәм сорап мөрәҗәгать итә ала, мондый очракларда участок комиссиясе рәисе яисә башка вәкаләтле хезмәткәр ярдәм итә.

Очрашу азагында Энҗе Әхмәдуллина кунакларга рәхмәт белдерде.

Алинә Ишмөхәммәтова Фотосы