Этләр тәрбиясендә үскән...

Уфада этләр янында тәрбияләнүче баланың бүген хәле ничек?

Өч яшьлек Катяны (исеме үзгәртелде) 2009 елның гыйнварында имин булмаган гаиләләрне йөреп чыккан балигъ булмаганнар эшләре буенча инспекторлар тапкан иде. Кыз әнисе һәм әбисе белән Уфаның Пожарский урамындагы иске баракта яшәгән. Өй пычрак һәм җимерек, суыткычта азык юк диярлек, ә әнисе еш кына шешәгә үрелгән булган. Билгеле, баланы тәрбияләү эше белән шөгыльләнүче булмаган, чөнки әбисе дә эчәргә яраткан.

- Ярым караңгы почмакта "дүрт аяк"лы ялангач кыз комсызланып зур сөяк кимерә. Янәшәдә генә эт нидер ашый. Эт бик якын килсә - кыз сөяккә тагын да ныграк ябыша, шул рәвешле үзенең "төшке ашын" саклый. Ә өстәл артында сабыйның әнисе тыныч кына тәлинкәдән нәрсәдер ашый, - дип тасвирлый ул көнне балигъ булмаганнар эшләре буенча инспекторлар.

Шул вакытта ачыкланганча, 23 яшьлек Ирина кызын үзе генә тәрбияли. Яшь хатынның авыру диагнозы бар (балачагында аны әнисе кулыннан төшереп җибәргән, баш мие җәрәхәте алган). Урта Азия кешесе белән очрашып йөргән. Тик мәхәббәт тиз беткән, кечкенә Катя дөньяга килгән. Баласы туу Иринаны начар гадәтеннән туктатмаган - ул урамдагы дуслары белән ныграк эчә башлаган, беркайда да эшләмәгән, ә азык-төлекне күп вакыт чүплекләрдән тапкан.

Гаҗәп хәл, әмма Ирина үзе кызын ярата, аны приютка алып киткәндә бик нык елаган. Хатын баласының яшьтәшләре белән түгел, ә этләр белән ныграк дус булуына да гаҗәпләнмәгән.

Катяны социаль-тернәкләндерү үзәгенә алып килгәч, табиблар аңарда куркыныч авырулар тапмаган. Ачлы-туклы яшәүдән соң, кызның сәламәтлеге белән бернинди дә җитди проблемалар булмавы ачыкланган. Психик яктан караганда да начар түгел, кыз берничә сүз әйтә ала, аңа мөрәҗәгать иткән сөйләмне яхшы аңлый, ләкин таныш булмаган кешеләрдән курка һәм читләшә. Табиблар, психологлар һәм дефектологлар белән дәресләрдән соң бала, һичшиксез, яңадан гадәти тормыш белән яши алачак, дип ышандырганнар иде ул вакытта белгечләр.

Катяның әнисенә килгәндә, аңа каршы "Бала тәрбияләү бурычларын тиешенчә үтәмәү" мәддәсе буенча җинаять эше кузгатылган. Хатын кызын аңардан алуларына бик борчылган. Аңа өендә бераз ремонт эшләп, эшкә урнашу кирәклеген дә аңлатканнар. Бераздан ул урындагы ЖЭУга ихата җыештыручы булып та урнашкан, әмма кызын кире кайтармаганнар.
Кызганычка каршы, Катя турында бүген тулы мәгълүмат юк. Аңа инде 13 яшь булырга тиеш. Ул һаман да шул ук приютта тәрбияләнә. Андагы белгечләр әйтүенчә, кыз үзен яхшы хис итә.

Фото: ufa.kp.ru

Читайте нас:

Новости партнеров

Ҡыш ҡасан килә?

Уфимский лимонарий – точка притяжения туристов со всех концов России

Балтачлар аккошлар гаиләсе өчен борчыла

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27