+24 °С
Болытлы
Гәзиткә язылуVKOKTelegram
Барлык яңалыклар
Мәгариф
25 июнь 2015, 01:26

Һәр эштә алар бердәм

Көзнең беренче көненнән башлап, соңгы кыңгырау чыңлаганчы мәктәпләр балаларның шат тавышыннан гөрләп тора. Шаранның 2нче мәктәбендә быел 337 бала укыды. Шуларның 24е кулларына өлгергәнлек аттестаты алса, 26сы тугызынчы сыйныфтан мәктәпне тәмамлады. Әйтергә кирәк, район үзәгендәге мәктәп көчлеләрдән санала. Моны укучылар яулаган җиңүләр, укытучыларның уңышлары исбатлый. Гуманитар, төгәл фәннәрдән дә күрсәткечләре сөенечле. Педагогик коллективта балаларга 27 укытучы белем-тәрбия бирә. Заманча алымнарга таянып, иҗади, креатив караш белән укучыларга белем үрләренә юл яра мөгаллимнәр.

Бәйгегә, конкурска, олимпиадага әзерлек булсынмы, укытучылар һәрвакыт бер-берсенә киңәш-ярдәм итә, бердәм булырга тырыша. Бердәмлек, тату мөнәсәбәт, киңәшләшү уңышка ирешүнең этәргече булуын яхшы белә алар. Мәсәлән, тормыш хәвеф­сезлеге нигезләрен укытучы Александр Карманов республикада II урын алса, урыс теле һәм әдәбияты укы­тучысы Гүзәл Якупова район конкурсында I урынга лаек булган. Халыкара һәм төбә­кара фәнни конферен­цияләрдә катнашкан инглиз теле укытучысы Ләйсән Диярова һәм башкорт теле укытучысы Гөлнара Кадыйрованы да горурлык белән телгә алды директор­ның укыту-тәрбия эш­ләре буенча урынбасары Лилия Шәрифул­лина. Урыс теле һәм әдәбияты укы­тучысы Марья Яковлева, җәмгыять белеме тарихыннан белем бирүче Регина Сәетова, физикадан укытучы Резида Хөснул­лина, башлангыч сыйныфлар укытучысы Нурия Низа­мованың укучылары белемнәрен матур җиңүләрдә күрсәткән.
Физкультура, спорт эше дә яхшы оештырыла. Монда укытучы Виктор Васильевның тырышлыгын билгеләү мөһим. Альбина Әхмәдуллина җитәк­ләгән “Звездопад” вокаль ансамбле исә тама­шачы­ларның хәтерендә күркәм чыгышлары белән калган.
Имтиханнар тәмам, укырга керү мәшәкатьләре алда. Чыгары­лыш сыйныф укучылары бу җа­ваплы мәлдә сынатмас. Ә мәктәп укучылары “Балачак корабы” җәйге мәктәп лагеренда ял итәчәк.
Читайте нас: