+21 °С
Болытлы
Гәзиткә язылуVKOKTelegram
Барлык яңалыклар
Мәгариф
20 август 2015, 22:03

Мәгариф үзәге — Нефтекамада

Бүген шәһәрдә тармак хезмәткәрләренең республика август киңәшмәсе үтә.Билгеле булуынча, укытучыларның быелгы август киңәшмәсе Нефтекама шәһәрендә үтә. Киңәшмәнең төп темасы — “Бердәм ачык белем бирү киңлеге”. Нәкъ шуннан чыгып, педагогларга уртага салып сөйләшү өчен берничә тема тәкъдим ителә. Алар мәктәпкәчә белем бирүдән башлап, урта һәм махсус белем бирүне үз эченә ала.

Шәһәрдә эшләп килүче 36 балалар бакчасы, 20 мәктәп, 12 өстәмә белем бирү учреждениесе, шулай ук колледжлар һәм республиканың югары уку йортларының филиаллары туплаган бай тәҗрибә моңа нигез булып тора. Киңәшмә барышында шәһәрнең төрле уку йортларында биш мәйданчык эшләячәк. Аларда республика мәгарифенең көнүзәк мәсьәләләре тикшереләчәк, Нефтекама педагог­ларының эш тәҗрибәсе күрсәтеләчәк, яңа проектлар каралачак. Нефтекама педагоглары шулай ук сәламәтлеге буенча мөмкинлеге чикләнгән балаларны заманча укуга яраклаштыру, мәгариф тармагын мәгълүматлаштыру кебек көнүзәк темаларны дә күтәрәчәк. Мәйданчыклар эшендә укучылар да актив катнашачак, авторлык проектларын күрсәтәчәк, электрон белем алуда уңышлары турында бәян итәчәк.
Читайте нас: