Барлык яңалыклар
Мәгариф
3 март 2017, 14:02

Укытучылар бәйге тота

Бу көннәрдә Уфада “Ел укытучысы-2017” республика конкурсы үтә. Һөнәри осталык бәйгесендә быел 152 укытучы катнаша.Аларның һәркайсы - үз районнарында беренчелекне яулап килгән көчле педагоглар. Шулар арасыннан 61е - “Ел укытучысы-2017”, 31е - "Иң яхшы урыс теле һәм әдәбияты укытучысы" , 23е - “Татар теле һәм әдәбияты укытучысы” һәм 37 катнашучы “Елның иң яшь укытучысы” дигән мактаулы исем өчен көрәшәчәк.


Һөнәри осталыкта көч сынашучы татар теле һәм әдәбияты укытучылары башкаланың 84нче һәм 65нче татар гимназияләрендә “Ачык дәрес” күрсәтте.

“Ел укытучысы-2017” республика бәйгесенең алдагы этабы 3 апрельдә башланачак. Конкурсны Мәгариф министрлыгы, Мәгарифне үстерү институты, Башкортстанның фән һәм халык мәгарифе хезмәткәрләренең республика профсоюз комитеты оештыра.
Читайте нас в