-1 °С
Болытлы
Барлык яңалыклар
Мәгариф
27 Май 2017, 02:00
БДИ кайчан бетәчәк?
Тармак министры Гөлназ Шәфыйковага укучылар шундый сорау да юллады. Ни өчен укытучылар өйгә эшне бик күп бирә? Бердәм дәүләт имтиханы берәр кайчан бетәрме? 4нче сыйныфлар өчен дә БДИ булачакмы? Мәктәп ихатасында агачлар аллеясе булдырырга ярыймы? Башкала мәктәпләре укучылары республика мәгариф министры Гөлназ Шәфыйкова белән очрашуда әнә шундый һәм үзләрен кызыксындырган башка бик күп сораулар бирде.
Укучылар белән очрашу беренче тапкыр һәм матбугат конференциясе форматында үтте. Әлеге чара алдыннан Мәгариф министрлыгының электрон почтасына һәм телефон аша да республикабызның төрле мәктәп укучыларыннан 236 сорау кабул ителгән. Аларның кайберләре конференция вакытында да яңгырады.
Министр белән ачыктан-ачык сөйләшүдә Уфаның 105нче, 64нче гимназияләреннән, 84нче Татар гимназиясеннән, 3нче, 27нче, 129нчы мәктәпләреннән, Рәми Гарипов исемендәге мәктәп-интернатыннан 20гә якын укучы катнашты. Укучыларның һәммәсе Гөлназ Радмил кызына үзлә-рен кызыксындырган сорауларны бирергә ашыкты. Мәр-тәбәле очрашуга килгән иң кечкенә катнашучы — 3нче сыйныф укучысы Аня чирек ахырында имтиханнарның күп булуы өчен борчылуын белдерде.
— Үскәч әнием кебек укытучы буласым килә. Тик мине барысы да бу һөнәрне сайламаска үгетли. Ә Сез нинди киңәш бирер идегез? — диде 84нче Татар гимназиясенең 5нче сыйныф укучысы Диләфрүз Ахунова.
Мәгариф министры кызга, бернигә карамастан, максатларга ирешергә, хыялга таба атларга киңәш итте. Ә югары сыйныф укучылары белән сүз алар өчен иң көнүзәк мәсьлә — БДИ тирәсендә барды.
— Сездән аермалы буларак, мин мәктәптә — чыгарылыш, ә аннары үзем теләгән югары уку йортларына кабул итү имтиханнары тапшырдым. Ә алар бик күп булды. Сез исә бер тапкыр БДИ тапшырып, илебезнең күңелегез теләгән вузына укырга керә аласыз һәм моның өчен беркая да барырга кирәкми, — дип, белемне тикшерүнең мондый алымы күпкә өстенлекле булуын ассызыклады Гөлназ Шәфыйкова.
Министр, узган ел белән чагыштырганда, быел БДИ тапшыруда зур үзгәрешләр көтелмәвен әйтте.
Укучыларның тормышы, аларны борчыган проблемалар турында белү максатында оештырылган конференция кызыклы һәм фәһемле булды.
— Мондый очрашулар мөһим һәм киләчәктә дә дәвам итәчәк, — дип белдерде министр.
Министр белән ачыктан-ачык сөйләшүдә Уфаның 105нче, 64нче гимназияләреннән, 84нче Татар гимназиясеннән, 3нче, 27нче, 129нчы мәктәпләреннән, Рәми Гарипов исемендәге мәктәп-интернатыннан 20гә якын укучы катнашты. Укучыларның һәммәсе Гөлназ Радмил кызына үзлә-рен кызыксындырган сорауларны бирергә ашыкты. Мәр-тәбәле очрашуга килгән иң кечкенә катнашучы — 3нче сыйныф укучысы Аня чирек ахырында имтиханнарның күп булуы өчен борчылуын белдерде.
— Үскәч әнием кебек укытучы буласым килә. Тик мине барысы да бу һөнәрне сайламаска үгетли. Ә Сез нинди киңәш бирер идегез? — диде 84нче Татар гимназиясенең 5нче сыйныф укучысы Диләфрүз Ахунова.
Мәгариф министры кызга, бернигә карамастан, максатларга ирешергә, хыялга таба атларга киңәш итте. Ә югары сыйныф укучылары белән сүз алар өчен иң көнүзәк мәсьлә — БДИ тирәсендә барды.
— Сездән аермалы буларак, мин мәктәптә — чыгарылыш, ә аннары үзем теләгән югары уку йортларына кабул итү имтиханнары тапшырдым. Ә алар бик күп булды. Сез исә бер тапкыр БДИ тапшырып, илебезнең күңелегез теләгән вузына укырга керә аласыз һәм моның өчен беркая да барырга кирәкми, — дип, белемне тикшерүнең мондый алымы күпкә өстенлекле булуын ассызыклады Гөлназ Шәфыйкова.
Министр, узган ел белән чагыштырганда, быел БДИ тапшыруда зур үзгәрешләр көтелмәвен әйтте.
Укучыларның тормышы, аларны борчыган проблемалар турында белү максатында оештырылган конференция кызыклы һәм фәһемле булды.
— Мондый очрашулар мөһим һәм киләчәктә дә дәвам итәчәк, — дип белдерде министр.
Новости партнеров