+28 °С
Болытлы
Мәгариф
4 октябрь 2019, 19:21
БДПУ йөзен үзгәртә
Башкортстан Башлыгы Радий Хәбиров Укытучылар көне алдыннан М. Акмулла исемендәге Башкортстан дәүләт педагогия университетында булды. Төбәк җитәкчесе вуз эшчәнлеге белән танышты һәм аны арытаба үстерү мөмкинлекләрен тикшерде.
Башкортстан Башлыгы Радий Хәбиров Укытучылар көне алдыннан М. Акмулла исемендәге Башкортстан дәүләт педагогия университетында булды. Төбәк җитәкчесе вуз эшчәнлеге белән танышты һәм аны арытаба үстерү мөмкинлекләрен тикшерде.
БДПУ ректоры Салават Сәгыйтов университетны педагогия кадрлары әзерләүдә махсуслашучы заманча фәнни-мәгариф үзәге итеп үзгәртү планнары белән уртаклашты. Бу юнәлештә матди-техник базаны ныгыту гына түгел, аның структурасында мәгариф берәмлекләрен булдыру турында сүз бара. Салавата Сәгыйтов сүзләренә караганда, Математик тишеренүләр, Һөнәри осталыкны арттыру үзәкләре, предуниверсарий булдыру, К. Дәүләткилдиев исемендәге Республика сәнгать гимназия-интернаты базасында гуманитар юнәлештә полилингваль мәктәп ачу карала. Радий Хәбиров бу башлангычларны Мәгариф сәгатьләренең берсендә тикшерергә тәкъдим итте.
Республика Башлыгы ректор белән төбәк мәктәпләренең укытучыларга ихтыяҗлары турында сөйләште, вузда әзерләнгән башкорт телен укытуның заманча ысулы белән танышты, сирәк китаплар бүлегендә булды.
Арытаба Радий Хәбиров дәүләт бүләкләренә лаек булган укытучылар белән БДПУның «Ҡорос» халык театры Ибраһим Абдуллин пьесасы буенча куйган «Тиле йәшлек» спектаклен карады.
Башкортстанның атказанган артисты, студентлар театрының сәнгать җитәкчесе Илнур Локманов куйган спектакль быел "Театраль Идел буе" конкурсының төбәк этабында җиңгән. Бәйгедә мәктәп һәм студентлар театрлары 47 спектакль күрсәткән.
