Ырынбурда Равил Бикбаев көннәре узачак

Русия төбәкләрендә башкорт телен популярлаштыруга юнәлтелгән чара дистанцион форматта оештырыла.

Агымдагы елның 7-11 декабрендә Ырынбур өлкәсендә Башкортстанның халык шагыйре, Ырынбур өлкәсендә туып-үскән Равил Бикбаев көннәре үтәчәк. Чараны Башкортстанның Мәгариф һәм фән министрлыгы һәм Ырынбур өлкәсе Мәгариф министрлыгы оештыра.

Чара кысаларында башкорт теле һәм әдәбияты укытучылары арасында Равил Бикбаевның тормыш юлы һәм иҗатына багышланган "Иң яхшы ачык дәрес", фәнни-гамәли конференция, яшь шагыйрьләр һәм яшь авторлар, Равил Бикбаев әсәрләрен укучылар һәм башкаручылар конкурслары каралган.

Конкурсларда һәм чараларда Ырынбур өлкәсе гомуми белем бирү оешмаларының башкорт теле һәм әдәбияты укытучылары, 1-11нче сыйныф укучылары, мәктәпкәчә һәм өстәмә белем бирү оешмаларында тәрбияләнүчеләр катнаша ала.

Катнашучыларның эшләре башкорт һәм урыс телләрендә (башкорт теле диалектларында) rt_bikbaev@mail.ru к электрон почтага кабул ителә.

Нәтиҗәләр 2020 елның 21 декабренә кадәр Башкортстан Республикасы Мәгариф һәм фән министрлыгының рәсми сайтында игълан ителәчәк.