+27 °С
Ачык
Гәзиткә язылуVKOKTelegram
Барлык яңалыклар
Мәгариф
22 гыйнвар 2021, 18:25

Санаулы көннәр калды...

Мәгариф һәм фән министрлыгында БДИ-2021гә гаризалар кабул итү тәмамлануы турында кисәттеләр.

Мәгариф һәм фән министрлыгында БДИ-2021гә гаризалар кабул итү тәмамлануы турында кисәттеләр.

Чыгарылыш имтиханнары өчен гаризаны 1 февральгә кадәр тапшырырга кирәк.
Ведомствода искә төшерүләренчә, быел мәктәпне тәмамлаучылар БДИ өчен гаризаны уку урыны буенча тапшыра. Узган елларда мәктәпне тәмамлаучылар гаризаны республиканың Мәгариф һәм фән министрлыгы тарафыннан БДИ тапшыру өчен билгеләнгән урынга бирергә тиеш иде.
Гаризалар укучылар һәм узган елгы чыгарылыш сыйныф укучылары тарафыннан шәхсән, аларның ата-аналары (законлы вәкилләре) яки вәкаләтле кешеләр тарафыннан паспорт һәм ышаныч кәгазе нигезендә тапшырыла.
Сәламәтлек мөмкинлекләре чикле укучылар гариза биргәндә - психология-медицина-педагогия комиссиясе рекомендацияләренең күчермәсен, ә инвалидлыклары булган имтихан тапшыручылар белешмәнең оригиналын яки расланган күчермәсен күрсәтергә тиеш.
Узган елгы чыгарылыш сыйныф укучылары гариза биргәндә мәгариф турында документларның оригиналын яки аларның расланган күчермәләрен тапшырырга тиеш. Шулай ук гаризада БДИ тапшырырга ниятләгән фәннәрне күрсәтергә кирәк.
1 февральдән соң БДИда катнашу өчен гаризалар, Дәүләт имтихан комиссиясе карары буенча, бары тик мөрәҗәгать итүченең документта расланган нигезле сәбәпләре булганда гына һәм имтихан башланырга ике атнадан да соңга калмыйча кабул ителәчәк.
Белешмәләр өчен телефоннар: 8 (347) 218-03-81, 8 (347) 218-03-28.

Фото: prizyv.ru
Читайте нас: