+21 °С
Болытлы
Мәгариф
26 февраль 2021, 20:20
Әти-әниләр ризыкның сыйфатын тәмләде
Уфа мәктәпләрендә төшке ашны тәмләп-татып карау үтте.
Уфа мәктәпләрендә төшке ашны тәмләп-татып карау үтте.
Бүген Уфада ата-аналар, мәктәп ашханәләрендә ризыкларны үзләре ашап карап, аның сыйфатын бәяли алды. 121нче гимназиядә туклануның сыйфатын һәм оештырылуын ата-аналар белән бергә мәгариф һәм фән министры Айбулат Хаҗин, сәүдә һәм хезмәт күрсәтү министры Алексей Гусев, Уфа хакимияте башлыгы урынбасары Алинә Сөләйманова, “Балалар һәм диетик туклану үзәге” җитәкчесе Владимир Смирнов бәяләделәр.
Бүген Уфада ата-аналар, мәктәп ашханәләрендә ризыкларны үзләре ашап карап, аның сыйфатын бәяли алды. 121нче гимназиядә туклануның сыйфатын һәм оештырылуын ата-аналар белән бергә мәгариф һәм фән министры Айбулат Хаҗин, сәүдә һәм хезмәт күрсәтү министры Алексей Гусев, Уфа хакимияте башлыгы урынбасары Алинә Сөләйманова, “Балалар һәм диетик туклану үзәге” җитәкчесе Владимир Смирнов бәяләделәр.
Алар гимназиядә уку процессы белән дә танышты, химия, информатика, физкультура дәресләрендә булдылар, шулай ук, учреждениедә туклануны оештыру һәм әзерләнгән ризыкның сыйфаты белән таныштылар, мәктәп ашханәсендә төшке аш ашадылар.
Айбулат Хаҗин билгеләвенчә, Башкортстанда инде икенче көн “Ачык ишекләр көне” үтә, анда барлык теләүчеләр мәктәптә балаларны ничек ашатулары белән таныша алды.
— Дегустациягә тәкъдим ителгән барлык ризыклар мәктәп тарафыннан раслана һәм санитар-эпидемиология таләпләренә туры килә. Шуны искә алырга кирәк, без сәламәт туклану принципларына, укучыларның яшь үзенчәлекләренә таянабыз. Бәлки, без кайдадыр тозлап бетермибез, кайдадыр шикәр азрак салабыз. Әмма балансланган туклану гына укучы өчен сәламәт туклану рационын булдырырга мөмкинлек бирә, — диде ул һәм, ата-аналар өчен мондый аралашу форматы даими булачак, дип ышандырды.
Дегустациядән соң мәртәбәле кунаклар ата-аналар берләшмәсе белән бергә мәктәп туклануын оештыру һәм аның сыйфаты буенча фикер алыштылар.
Алексей Гусев сүзләренә караганда, мәктәп туклануы, барыннан да элек, хәвефсез һәм файдалы булырга, барлык кирәкле нормаларга һәм таләпләргә туры килергә, ә аннары гына тәмле булырга тиеш. Ул туклану сыйфатын ата-аналар тарафыннан контрольдә тотуны көчәйтергә тәкъдим итте.
Алинә Сөләйманова исә шәһәр мәктәпләрендә укучыларның туклануын мониторинглау буенча акция башлап җибәрергә тәкъдим итте.
– Укучыларны ашатканнан соң, ашханәләрдә өстәлләрне фотога төшерәчәкбез һәм теге яки бу ризыкның популярлыгын анализлаячакбыз, — диде ул.
Дегустациядән алган тәэссоратлары белән укучыларның әти-әниләре дә уртаклашты.
Ксения Солонина (1нче һәм 5нче сыйныф укучыларының әнисе):
— Кәтлит ашап карадым. Ул тәмле булып чыкты, претензияләр юк. Балаларымның кечесенә мәктәптә туклану ошый. Ә өлкәне, мөгаен, үсә баруы сәбәпледер, кайвакыт ризык суык булды, ди. Ләкин ашханәдә тукланудан баш тартмый.
Анна Семенникова:
— Мин кайнар ризык яратам. Минем фикеремчә, бүген ул аз гына суыграк иде. Әмма бала өчен яхшы дип уйлыйм. Аны өйдә дә кайнар ризык ашатып булмый.
Белешмә:
Уфаның 216 балалар бакчасында һәм 127 мәктәбендә туклануны “Балалар һәм диетик туклану үзәге” муниципаль автоном учреждениесе оештыра. Кайнар ризык белән 68 272 тәрбияләнүче һәм 109 192 укучы тәэмин ителә.
Укучыларның һәм тәрбияләнүчеләрнең туклану рационы өчен бердәм меню эшләнгән. Меню төрле, балансланган, калория нормалары тулысынча туры килә. Иртәнге ашларга киң ассортиментта махсус диетик сөт ризыклары кертелгән.
Ризык әзерләү турыдан-туры азык-төлек блогларында башкарыла. Цех бүленеше булмаган ашханәләргә яшелчә, балык, ит, кош-корттан ярымфабрикатлар китерелә. Укучылар өчен ике тапкыр кайнар ризык (иртәнге һәм төшке аш) оештырылган. Озайтылган көн төркеменә йөрүче балалар өчен “полдник” каралган. Балалар өстәмә туклануны мәктәп буфетлары аша да ала.
Мәктәп ашханәсе өчен эшләнгән танылган брендлы савыт-саба һәм азык-төлек блогы хезмәткәрләре өчен махсус кием-салым сатып алынган. Ризыкларның температура режимын үтәү өчен термоарбалар һәм мобиль мармитлар сатып алынган.
Укучыларга федераль, республика һәм шәһәр бюджетлары акчалары исәбеннән социаль ярдәм күрсәтелә.
Белем бирү оешмаларында туклану сыйфатын контрольдә тоту максатыннан составына ата-аналар җәмәгатьчелеге вәкилләре дә кергән комиссияләр төзелде. Комиссия китерелүче продуктларның сыйфатын, аларны саклану срокларын, саклау шартларын, аш-су әзерләү процессын, азык-төлек блогының торышына карата санитар-гигиена таләпләрен үтәүне контрольдә тота.
Фото: pravitelstvorb.ru
