+21 °С
Болытлы
Мәгариф
2 март 2021, 11:05
“Файдалы да, тәмле дә булмыйдыр ул!”
Республиканың сәүдә һәм хезмәт күрсәтү министры Алексей Гусев мәктәп туклануының кайбер үзенчәлекләре турында сөйләде.
Республиканың сәүдә һәм хезмәт күрсәтү министры Алексей Гусев мәктәп туклануының кайбер үзенчәлекләре турында сөйләде.
Мәктәп туклануын оештыруда “файдалы” һәм “тәмле” төшенчәләре арасында баланс тоту бик авыр, диде БСТ телеканалында узган брифингта республиканың сәүдә һәм хезмәт күрсәтү министры Алексей Гусев.
Мәктәп туклануын оештыруда “файдалы” һәм “тәмле” төшенчәләре арасында баланс тоту бик авыр, диде БСТ телеканалында узган брифингта республиканың сәүдә һәм хезмәт күрсәтү министры Алексей Гусев.
“Монда күп нәрсә һәр баланың шәхси зәвыгына, аның туклану мәдәниятенә бәйле. Моннан тыш, белем бирү оешмаларының һәм муниципалитетларның системалы хаталары да бар. Шулай ук, урыннарда тиешле контроль җитәрлек түгел", — дип билгеләп үтте ул.
Башкортстан Мәгариф һәм фән министрлыгының соңгы мәгълүматлары буенча, республиканың 54 районыннан 35 муниципалитетта аутсорсинг буенча мәктәп туклануы кертелгән, ягъни аны эшкуарлар гамәлгә ашыра. 22 районда укучылар өчен туклануны турыдан-туры мәктәп ашханәләрендә әзерлиләр.
Төбәк мәктәпләренең 4 проценты мәктәп туклануын оештыруның тулы циклын куллана, мәктәпләрнең 80 проценты әзерләп бетерүче азык-төлек блокларына ия, 2 проценты буфет туклануын куллана, дип билгеләп үтте мәгариф һәм фән министры Айбулат Хаҗин. Төбәктә барлыгы 1934 азык-төлек блогы исәпләнә.
Әлеге вакытта республикада 96,7 процент укучы кайнар ризык белән тәэмин ителгән. Киләчәктә 100 процент күрсәткечкә ирешү бурычы тора.
Шунысы да бар, мәктәп туклануына зарланучылар да байтак. Мәсәлән, власть органнары мәктәп туклануы буенча 900 шикаять алган. Балалар һәм әти-әниләр еш кына иртәнге һәм төшке ашларның салкын булуына зарлана.
Агымдагы елның 1 мартыннан укучылар туклануының сыйфатын күзәтеп тору аерым контрольгә алынды.
"Хәзер мәктәп туклануын оештыруда индустриализация кирәк, — дип сөйләде тармак планнары турында Алексей Гусев. — Һәм бу алга бер адым түгел, ә үткән еллар тәҗрибәсе. Әйтик, Советлар Союзында мәктәп ашханәләренең тресты булган. Һәм ни өчен бүген бездә күпчелек ашханәләр я буфет-тарату, я әзерләү формасында гына? Чөнки башта азык-төлек блокларының конструктивы ярымфабрикатлар белән эшләүгә юнәлтелгән иде. Хәзер без алга атладык. Бу республикада эшләнгән туклану системасы да, өч еллык контрактлар да. Операторлар да үз исәбенә цехлар төзи, азык-төлек блокларын яңарта, мәктәп ашханәләренә ремонт ясый”.
Фото: usue.ru
