+22 °С
Дождь
Мәгариф
18 Марта 2021, 05:25
“Балачакка кайтып килдек!”
Дүртөйле районының Мәскәү авылында мәктәпнең элекке укучылары белән очрашу үтте.
Дүртөйле районының Мәскәү авылында мәктәпнең элекке укучылары белән очрашу үтте.
Очрашу өлкән сыйныф укучылары белән һөнәр сайлау буенча әңгәмә рәвешендә дәвам итте. Кунаклар, үзләре белән таныштырып, һөнәрләре турында кыскача сөйләп узды.
Мәсәлән, Илшат Мостафин үзенең мәктәп еллары, нинди һөнәр сайлавы, бүген кайда эшләве турында сөйләде. Әлеге вакытта ул Дүртөйледә энергетика предприятиесе директоры, Дүртөйле шәһәре Советы рәисе булып эшли. Ул укытучыларына рәхмәтле булуын белдерде, югары сыйныфларда колхозда комбайчы ярдәмчесе булып эшләвен дә сөйләп узды.
Икенче кунак – Винер Габдуллин – “Калинин” предприятиесенең генеральный директоры, ул балаларны безне туендыручы һәм киендерүче җирне яратырга өндәде. Илшат Мостафин белән бер сыйныфта, хәтта бер парта артында утыруын әйтеп үтте.
Динар Хөснуллин –
Мәскәү авылы хакимияте башлыгы, ул мәктәп еллары, укытучылар һәм сыйныф җитәкчесе Ринат Таҗетдиновны җылы сүзләр белән искә алды. Үзе гармунчы булгач, төрле мәдәни чараларда катнашуын сөйләде.
Дүртөйле магистраль газүткәргечләр линия җитештерү идарәсендә эшләүче Илшат Нәгыймов сабакташлары һәм үзе турында “Кем кайда туган – шунда кирәккән”, – дип әйтте.
Илдар Якупов – “СКаТ” (кабельле телевидение) директоры, шулай ук үзе белән таныштырып үтте. Аннары мәктәпкә һәм укытучыларга ихлас рәхмәт йөзеннән музыкаль “күчтәнәч” белән чыгыш ясап, җыелган кунакларны рухландырды.
Регина Сәмиева Уфа шәһәренә укырга киткәч, үзенең Мәскәү авылы мәктәбендә алган белеме белән лицей һәм гимназиядә укып килгән шәһәр укучыларыннан бер башка югарырак булып торганын сөйләде. Ул моңа кадәр зур компанияләрдә икътисадчы булып эшләгән, хәзер шәхси эшкуарлык нигезләрен үзләштерә башлаган.
Бертуган Айдар һәм Илдар Хәйдәровлар “Газпром трансгаз Уфа” системасында эшли. Биргән төпле белемнәре өчен алар барлык укытучыларга, ә спортны яратырга өйрәткәне өчен физкультура укытучысы Айрат Фазлыйәхмәтовка рәхмәт белдерде.
Алсу һәм Айдар Әхмәдуллиннар – гаилә пары. Алар да әлеге мәктәпне тәмамлаулары белән горурлана. Үзләрен төрле җирдә сынап караганнар, әмма туган як үзенә тарткан, әлеге вакытта алар – авылның шәхси эшкуарлары.
Апалы-энеле Гөлнара Йосыпова һәм Руслан Сәетгәрәев – икесе дә матур тавышлы җырчылар. Руслан – стоматолог, медицина университетын тәмамлаган һәм әлеге вакытта “Авыл табибы” программасы буенча Караидел авылында хезмәт сала. Гөлнара исә Уфа дәүләт сәнгать академиясен тәмамлаган, һөнәре буенча берничә ел эшләгәч, туган Мәскәү авылында “Хәзинә” кафесы ачкан, шул ук вакытта бәйрәмнәр дә алып бара. Ул туган мәктәбенең көчле белем бирүен ассызыклап үтте, Мәскәү авылы балалары шәһәр мәктәпләрендәгеләр белән тигез белем ала, дип сөйләде. Һәм чыгышы ахырында арабыздан вакытсыз киткән элекке мәктәп директоры Альфред Гарифуллин истәлегенә ел саен Мәскәү мәктәбе укучылары арасында шигырь укучылар конкурсы оештыру тәкъдиме белән чыкты. Иганәче Гөлнара үзе булачак. Мәктәп җитәкчелеге әлеге идеяне хуплады.
Камил Юлаев – әлеге вакытта Башкортстан генерацияләү компаниясенең җәмәгатьчелек белән бәйләнешләр бүлеге җитәкчесе. Очрашу вакытында сөйләгән чыгышында ул үзенең Мәскәү урта мәктәбен тәмамлавы белән горурлануын белдерде.
Илнар Хәмәтханов – шушы очрашуны оештыручыларның берсе. Ул укытучылар коллективына биргән белемнәре һәм хезмәткә сөю тәрбияләгәннәре өчен рәхмәтләрен белдерде. Әлеге вакытта ул – уңышлы малтабар. Укытучылардан алган белемне үз эшендә дә куллануын яшерми, хезмәттәшләрен нәтиҗәле эшчәнлеккә өнди.
Мәскәү урта мәктәбенең элекке укучысы Миләүшә Исламетдинова укытучыларга зур рәхмәтен белдерде. “Без укыган чакта “репетитор” дигән төшенчә юк иде, шуңа карамастан, мәктәптә алынган белем дәрәҗәсе бик югары булды”, дип әйтеп үтте.
Очрашу мәктәп ашханәсендә дәвам итте. Мәктәп директоры Илнур Садрисламов үз чыгышын бер минут тынлыктан башлады. Шул рәвешле барлык җыелучылар арабыздан бик иртә киткән элекке мәктәп директоры Альфред Гарифуллинны һәм шулай ук узган ел ахырында вафат
булган укытучы Флит Мостафинны искә алдылар. Директор барлык кунакларга рәхмәтен белдерде һәм Мәскәү урта мәктәбенең киләчәккә планнары турында сөйләде.
Гөлнара Йосыпова уку йорты каршында мәктәпне тәмамлаучылар аллеясен булдыру идеясе белән чыгыш ясады. Шулай ук мәктәп алдында фотога төшү өчен махсус урын ясарга кирәклеген белдерде. Бу идеяләрне барысы да хуплады. Аллея Альфред Гарифуллинның юбилеена, ягъни 2021 елның 7 июненә ачылырга тиеш, дигән фикергә килде кунаклар.
Мәктәп музее белән танышкач, очрашу спорт залында дәвам итте. Мәктәп директоры Илнур Садрисламов шушы елдан башлап, һәр ел саен Ватанны саклаучылар көне алдыннан Альфред Гарифуллин истәлегенә волейбол буенча мини-турнир оештыру турында карарны укып ишеттерде. Элекке директорның җәмәгате Эльза ханым барлык кунакларга, укучыларга, бигрәк тә педагогик коллективка, шушындый матур чара оештырулары өчен зур рәхмәтен белдерде.
Уен командалар арасында бик киеренке барды. Турнирда беренче урынны мәктәпнең элекке укучылары яуласа, икенче урынны – укытучылар, ә өченче урынны укучылар алды.
Очрашудан барысы да күңеле булып таралышты. Әлбәттә, элекке укучылар үзләренең мәктәбен һәм укытучыларын бик сагынган иде!
Ример НАСРЕТДИНОВ.
Очрашу өлкән сыйныф укучылары белән һөнәр сайлау буенча әңгәмә рәвешендә дәвам итте. Кунаклар, үзләре белән таныштырып, һөнәрләре турында кыскача сөйләп узды.
Мәсәлән, Илшат Мостафин үзенең мәктәп еллары, нинди һөнәр сайлавы, бүген кайда эшләве турында сөйләде. Әлеге вакытта ул Дүртөйледә энергетика предприятиесе директоры, Дүртөйле шәһәре Советы рәисе булып эшли. Ул укытучыларына рәхмәтле булуын белдерде, югары сыйныфларда колхозда комбайчы ярдәмчесе булып эшләвен дә сөйләп узды.
Икенче кунак – Винер Габдуллин – “Калинин” предприятиесенең генеральный директоры, ул балаларны безне туендыручы һәм киендерүче җирне яратырга өндәде. Илшат Мостафин белән бер сыйныфта, хәтта бер парта артында утыруын әйтеп үтте.
Динар Хөснуллин –
Мәскәү авылы хакимияте башлыгы, ул мәктәп еллары, укытучылар һәм сыйныф җитәкчесе Ринат Таҗетдиновны җылы сүзләр белән искә алды. Үзе гармунчы булгач, төрле мәдәни чараларда катнашуын сөйләде.
Дүртөйле магистраль газүткәргечләр линия җитештерү идарәсендә эшләүче Илшат Нәгыймов сабакташлары һәм үзе турында “Кем кайда туган – шунда кирәккән”, – дип әйтте.
Илдар Якупов – “СКаТ” (кабельле телевидение) директоры, шулай ук үзе белән таныштырып үтте. Аннары мәктәпкә һәм укытучыларга ихлас рәхмәт йөзеннән музыкаль “күчтәнәч” белән чыгыш ясап, җыелган кунакларны рухландырды.
Регина Сәмиева Уфа шәһәренә укырга киткәч, үзенең Мәскәү авылы мәктәбендә алган белеме белән лицей һәм гимназиядә укып килгән шәһәр укучыларыннан бер башка югарырак булып торганын сөйләде. Ул моңа кадәр зур компанияләрдә икътисадчы булып эшләгән, хәзер шәхси эшкуарлык нигезләрен үзләштерә башлаган.
Бертуган Айдар һәм Илдар Хәйдәровлар “Газпром трансгаз Уфа” системасында эшли. Биргән төпле белемнәре өчен алар барлык укытучыларга, ә спортны яратырга өйрәткәне өчен физкультура укытучысы Айрат Фазлыйәхмәтовка рәхмәт белдерде.
Алсу һәм Айдар Әхмәдуллиннар – гаилә пары. Алар да әлеге мәктәпне тәмамлаулары белән горурлана. Үзләрен төрле җирдә сынап караганнар, әмма туган як үзенә тарткан, әлеге вакытта алар – авылның шәхси эшкуарлары.
Апалы-энеле Гөлнара Йосыпова һәм Руслан Сәетгәрәев – икесе дә матур тавышлы җырчылар. Руслан – стоматолог, медицина университетын тәмамлаган һәм әлеге вакытта “Авыл табибы” программасы буенча Караидел авылында хезмәт сала. Гөлнара исә Уфа дәүләт сәнгать академиясен тәмамлаган, һөнәре буенча берничә ел эшләгәч, туган Мәскәү авылында “Хәзинә” кафесы ачкан, шул ук вакытта бәйрәмнәр дә алып бара. Ул туган мәктәбенең көчле белем бирүен ассызыклап үтте, Мәскәү авылы балалары шәһәр мәктәпләрендәгеләр белән тигез белем ала, дип сөйләде. Һәм чыгышы ахырында арабыздан вакытсыз киткән элекке мәктәп директоры Альфред Гарифуллин истәлегенә ел саен Мәскәү мәктәбе укучылары арасында шигырь укучылар конкурсы оештыру тәкъдиме белән чыкты. Иганәче Гөлнара үзе булачак. Мәктәп җитәкчелеге әлеге идеяне хуплады.
Камил Юлаев – әлеге вакытта Башкортстан генерацияләү компаниясенең җәмәгатьчелек белән бәйләнешләр бүлеге җитәкчесе. Очрашу вакытында сөйләгән чыгышында ул үзенең Мәскәү урта мәктәбен тәмамлавы белән горурлануын белдерде.
Илнар Хәмәтханов – шушы очрашуны оештыручыларның берсе. Ул укытучылар коллективына биргән белемнәре һәм хезмәткә сөю тәрбияләгәннәре өчен рәхмәтләрен белдерде. Әлеге вакытта ул – уңышлы малтабар. Укытучылардан алган белемне үз эшендә дә куллануын яшерми, хезмәттәшләрен нәтиҗәле эшчәнлеккә өнди.
Мәскәү урта мәктәбенең элекке укучысы Миләүшә Исламетдинова укытучыларга зур рәхмәтен белдерде. “Без укыган чакта “репетитор” дигән төшенчә юк иде, шуңа карамастан, мәктәптә алынган белем дәрәҗәсе бик югары булды”, дип әйтеп үтте.
Очрашу мәктәп ашханәсендә дәвам итте. Мәктәп директоры Илнур Садрисламов үз чыгышын бер минут тынлыктан башлады. Шул рәвешле барлык җыелучылар арабыздан бик иртә киткән элекке мәктәп директоры Альфред Гарифуллинны һәм шулай ук узган ел ахырында вафат
булган укытучы Флит Мостафинны искә алдылар. Директор барлык кунакларга рәхмәтен белдерде һәм Мәскәү урта мәктәбенең киләчәккә планнары турында сөйләде.
Гөлнара Йосыпова уку йорты каршында мәктәпне тәмамлаучылар аллеясен булдыру идеясе белән чыгыш ясады. Шулай ук мәктәп алдында фотога төшү өчен махсус урын ясарга кирәклеген белдерде. Бу идеяләрне барысы да хуплады. Аллея Альфред Гарифуллинның юбилеена, ягъни 2021 елның 7 июненә ачылырга тиеш, дигән фикергә килде кунаклар.
Мәктәп музее белән танышкач, очрашу спорт залында дәвам итте. Мәктәп директоры Илнур Садрисламов шушы елдан башлап, һәр ел саен Ватанны саклаучылар көне алдыннан Альфред Гарифуллин истәлегенә волейбол буенча мини-турнир оештыру турында карарны укып ишеттерде. Элекке директорның җәмәгате Эльза ханым барлык кунакларга, укучыларга, бигрәк тә педагогик коллективка, шушындый матур чара оештырулары өчен зур рәхмәтен белдерде.
Уен командалар арасында бик киеренке барды. Турнирда беренче урынны мәктәпнең элекке укучылары яуласа, икенче урынны – укытучылар, ә өченче урынны укучылар алды.
Очрашудан барысы да күңеле булып таралышты. Әлбәттә, элекке укучылар үзләренең мәктәбен һәм укытучыларын бик сагынган иде!
Ример НАСРЕТДИНОВ.
