+22 °С
Яңгыр
Мәгариф
23 март 2021, 12:25
"Бу җиңү – яңа биеклекләргә трамплин!"
“Ел укытучысы-2021” бәйгесенең абсолют җиңүчесе билгеле булды.
“Ел укытучысы-2021” бәйгесенең абсолют җиңүчесе билгеле булды.
Бүген башкаланың “Торатау” Конгресс-холлында “Башкортстанның ел укытучысы” 31нче республика һәм “Башкорт теле һәм әдәбияты ел укытучысы” 26нчы төбәкара конкурсларына йомгак ясалды. Конкурсны ябу тантанасында “Башкортстанның ел укытучысы”, “Башкорт теле һәм әдәбияты ел укытучысы”, “Татар теле һәм әдәбияты ел укытучысы”, “Урыс теле һәм әдәбияты ел укытучысы” һәм “Елның иң яшь укытучысы” конкурсларында җиңүчеләр һәм призерлар игълан ителде.
Быел бәйгегә республиканың төрле районнарыннан муниципаль этапта җиңү яулаган 198 педагог килгән иде. Алар берничә этаптан торган конкурста дәрес үрнәкләре, сыйныф сәгатьләре күрсәтте, үзләренең педагогик проектларын тәкъдим итте. Бүгенге тантанада әлеге әһәмиятле бәйгедә көч сынашкан укытучыларның иң-иңнәре сәхнәгә күтәрелде.
Бүген башкаланың “Торатау” Конгресс-холлында “Башкортстанның ел укытучысы” 31нче республика һәм “Башкорт теле һәм әдәбияты ел укытучысы” 26нчы төбәкара конкурсларына йомгак ясалды. Конкурсны ябу тантанасында “Башкортстанның ел укытучысы”, “Башкорт теле һәм әдәбияты ел укытучысы”, “Татар теле һәм әдәбияты ел укытучысы”, “Урыс теле һәм әдәбияты ел укытучысы” һәм “Елның иң яшь укытучысы” конкурсларында җиңүчеләр һәм призерлар игълан ителде.
Быел бәйгегә республиканың төрле районнарыннан муниципаль этапта җиңү яулаган 198 педагог килгән иде. Алар берничә этаптан торган конкурста дәрес үрнәкләре, сыйныф сәгатьләре күрсәтте, үзләренең педагогик проектларын тәкъдим итте. Бүгенге тантанада әлеге әһәмиятле бәйгедә көч сынашкан укытучыларның иң-иңнәре сәхнәгә күтәрелде.
— Ай ярым дәвам иткән педагогик марафон тәмам. Бүген кемнәрдер сәхнә түрендә котлаулар кабул итә, кемнәрдер залда утыра. Ничек кенә булмасын, без – барыбыз да җиңүчеләр, чөнки укытучыларны да, укучыларны да, ата-аналарны да түземлеккә, чыдамлыкка сынаган катлаулы уку елын лаеклы үттек. Без уңышларны бергәләп яулыйбыз. Узган уку елында БДИ нәтиҗәләре буенча яхшы нәтиҗәләргә ирештек. Шушы көннәрдә 130дан артык укучыбыз Бөтенрусия олимпиадасының йомгаклау этабына юлланачак. Аларның республикабызны, үзләренең укытучыларын ил күләмендә танытачагына шигебез юк, — диде педагогларны бүләкләү тантанасында мәгариф һәм фән министры Айбулат Хаҗин.
Быел абсолют җиңүче — “Ел укытучысы” исеменә Уфаның Газиз Әлмөхәммәтов исемендәге республика гимназия-интернатының урыс теле һәм әдәбияты укытучысы Лилия Муллагалиева лаек булды.
— Бу бәйгедә катнашу миңа бәяләп бетергесез тәҗрибә бирде. Безнең республикада укытучыларның һөнәр осталыгы никадәр югары дәрәҗәдә булуын, аларның заманча алымнарны, технологияләрне уңышлы куллана белүен күрсәтте. Минем шушы сәхнәдә басып торуым — укытучыларымның, коллективымның фидакарь хезмәт нәтиҗәсе. Бу – бер кешенең генә түгел, бу – команданың җиңүе! Һәм ул чик түгел, ә яңа биеклекләргә трамплин,— диде бәйгенең абсолют җиңүчесе.
Шунысы игътибарга лаек, “Урыс теле һәм әдәбияты ел укытучысы” исемен дә нәкъ Лилия Муллагалиева яулады.
“Башкортстанның ел укытучысы” исеменә Благовещен шәһәре 3нче мәктәбенең башлангыч сыйныфлар укытучысы Зинера Ибәтуллина лаек булды.
“Башкорт теле һәм әдәбияты ел укытучысы” исеме Уфа районының Дорогино мәктәбе укытучысы Таңчулпан Сәйфетдиновага бирелде.
“Елның иң яшь укытучысы” исеменә Уфаның 3нче гимназиясенең физика укытучысы Петр Белобородов лаек булды.
Республиканың иң яхшы татар теле һәм әдәбияты укытучысы булып Уфа районының Михайловка мәктәбеннән Динара Харисова танылды.
Педагогларны мәртәбәле бәйгедә җиңүләре белән ихлас тәбриклибез! Алда яңа биеклекләр, матур җиңүләр көтсен!
Динар Кәлимуллин фотосы.
Динар Кәлимуллин фотосы.
