+20 °С
Болытлы
Мәгариф
25 март 2021, 07:10
Укучылар халкыбызның тарихын тирәнрәк өйрәнәчәк
Уфаның 25нче белем бирү үзәгендә интерактив-этнографик музей ачылды.
Уфаның 25нче белем бирү үзәгендә интерактив-этнографик музей ачылды.
23 мартта Уфа шәһәренең 25 нче белем бирү үзәгендә “Татар телен өйрәнүгә җәлеп итү ысулы буларак интерактив-этнографик музей” проекты кысаларында тормышка ашырылган татар теле һәм әдәбияты кабинеты каршындагы интерактив-этнография музеен ачу тантанасы булды. Билгеле булуынча, музей Башкортстан Республикасының Гражданнар җәмгыятенә булышлык итү фонды ярдәмендә республика Башлыгы гранты чараларына булдырылды.
23 мартта Уфа шәһәренең 25 нче белем бирү үзәгендә “Татар телен өйрәнүгә җәлеп итү ысулы буларак интерактив-этнографик музей” проекты кысаларында тормышка ашырылган татар теле һәм әдәбияты кабинеты каршындагы интерактив-этнография музеен ачу тантанасы булды. Билгеле булуынча, музей Башкортстан Республикасының Гражданнар җәмгыятенә булышлык итү фонды ярдәмендә республика Башлыгы гранты чараларына булдырылды.
Чарада Уфа шәһәренең Ленин районы хакимияте башлыгы урынбасары Иван Иванов, мәгариф һәм фән министрлыгының дәүләт программаларын реализацияләү һәм төбәкара хезмәттешлек буенча бүлек начальнигы Илдус Каһарманов, Ленин районы хакимиятенең мәгариф бүлеге җитәкчесе Альбина Әхмәтнурова, Фәнни-мәгълүмати-методик үзәк методисты Гөлназ Шәрәфетдинова, районның туган телләр укытучылары катнашты.
Кунаклар өчен татар телендә тантаналы концерт булды. Укучылар шигырьләр сөйләде, биеде һәм җырлар җырлады.
Аннары кунаклар өчен музей буйлап экскурсия оештырылды. Алар экспонатлар белән танышты, аларның барлыкка килү тарихы турында белделәр.
Әлегә кадәр булган музей реконструкцияләнгән һәм ике өлешкә бүленгән: беренчесе – йортның эчке көнкүрешен, ә икенче өлеше татар ихатасын чагылдыра.
Әлеге музей татар халкының мәдәни-тарихи традицияләрен саклау һәм үстерү буенча эш үзәге булачак.
Фото мәктәп сайтыннан.
Фото мәктәп сайтыннан.
