+21 °С
Болытлы
Мәгариф
9 апрель 2021, 13:50
Балаларның сәламәтлеге — беренче урында
Башкортстанның тагын 57 мәктәбе яңа стоматология кабинетлары белән җиһазландырылачак.
Башкортстанның тагын 57 мәктәбе яңа стоматология кабинетлары белән җиһазландырылачак.
Башкортстан бүген мәктәп стоматология кабинетлары саны буенча Русиядә беренче урында тора. “Мәгарифтә күтәрелеш!” белем бирү проектының “Сәламәт елмаю” модулен тормышка ашыру кысаларында республикада 66 лицензияле мәктәп стоматология кабинеты ачылды да инде.
Башкортстан бүген мәктәп стоматология кабинетлары саны буенча Русиядә беренче урында тора. “Мәгарифтә күтәрелеш!” белем бирү проектының “Сәламәт елмаю” модулен тормышка ашыру кысаларында республикада 66 лицензияле мәктәп стоматология кабинеты ачылды да инде.
Билгеле булуынча, Радий Хәбиров “Мәгарифтә күтәрелеш!” беренче мәктәп форумында 800дән артык укучы белем алучы республика мәктәпләрендә стоматология кабинетларын ачу башлангычы белән чыкты. Сәламәтлек саклау министрлыгы мәгълүматларына караганда, уку елы башыннан белгечләр 41 мең мәктәп укучысын тикшергән. Һәр икенче балага стоматолог ярдәме кирәк булуы ачыкланган. 11 меңнән артык укучы кирәкле табиб ярдәме алган.
Бүген республика Башлыгы Уфада узган “Мәгарифтә күтәрелеш” өченче мәктәп форумында республиканың 57 мәктәбендә яңа стоматология кабинетларын ачу турында карар кабул ителүен әйтте.
“Иң мөһиме — җиһазлар буш торырга тиеш түгел, шул ук вакытта табиб–стоматолог та табарга кирәк. Бу балалар стоматологлары булмаган авыллар өчен бик мөһим. Республиканың 62 мәктәбендә “Мәктәпләрдә спорт көрәше” программасы гамәлгә кертелгән инде, анда тренерлар бар, бюджет исәбенә келәмнәр, спорт формасы алынган. Миңа мәгариф министры хәбәр итүенчә, 2024 елда 200 мәктәптә көрәш буенча секцияләр барлыкка киләчәк. Бу без спорт мастерлары әзерләргә бурыч куйганбыз дигән сүз түгел, иң мөһиме — укучыларыбызның гомумфизик әзерлеге, аларның сәламәтлеген ныгыту”, — диде Радий Хәбиров.
Динар Кәлимуллин фотосы.
