Барлык яңалыклар
Мәгариф
10 гыйнвар , 15:10

Радий Хәбиров БДМУда Санлы медицина институты эшенә старт бирде

10 гыйнварда Уфада республика Башлыгы Радий Хәбиров Башкорт дәүләт медицина университетының яңа корпусын ачу тантанасында катнашты. Анда тармак IT-проектларын эшләүдә һәм гамәлгә ашыруда махсуслашкан санлы медицина институты эшли башлады.

Радий Хәбиров БДМУда Санлы медицина институты эшенә старт бирде

2,8 мең квадрат метр мәйданлы өч катлы БДМУ бинасын 2021 ел ахырында төзеп бетерделәр. Ул 200 урынга якын уку аудиторияләрен, лекция залын, компьютер классларын үз эченә ала. Фәнни-мәгариф процессы инженерлык һәм медицина юнәлешләрен берләштерә.

Радий Хәбиров яңа корпус биналарын карады һәм БДМУ коллективын цифрлы медицина институты ачылуы белән котлады.

- Университетның казанышлары безне бик шатландыра. Узган ел ул республиканың әйдәүче югары уку йортлары арасында «Приоритет 2030» стратегик академик лидерлык программасы буенча грантлар алды. БДМУ табиблары һәм студентлары коронавирус инфекциясе белән көрәштә сәламәтлек саклау системасына зур ярдәм күрсәтә. Моннан тыш, университет базасында зур офтальмология кластеры формалаша, - дип билгеләде Радий Хәбиров. - Санлы медицина институты югары уку йортының киләчәк үсешенең һәм республика сәламәтлек саклау системасын модернизацияләүнең мөһим звеносы булыр дип ышанам.

Ачылу тантанасыннан соң Башкортстан Башлыгы корпусның лекцияләр залында булды, анда инглиз телендә «Киләчәк медицинасы» халыкара конференциясендә катнашучыларны сәламләде. Радий Хәбиров шулай ук Санлы медицина институты базасында мәктәп укучылары арасында оештырылган профильле олимпиадада катнашучыларга уңышлар теләде.

Фото: glavarb.ru

Автор:Фануз Хабибуллин