+20 °С
Болытлы
Мәгариф
9 февраль 2022, 05:05
Укытучылар яклауга мохтаҗмы?
Русиядә Укытучылар хокуклары буенча вәкаләтле вәкил барлыкка килергә мөмкин.
Укытучылар яклауга мохтаҗмы?
Русиядә педагогларны нигезсез дәгъвалардан яклау өчен Укытучылар хокуклары буенча вәкаләтле вәкил институтын булдырырга кирәк. Дәүләт думасы вице-спикеры Борис Чернышов вице-премьер Татьяна Голиковага шундый башлангыч белән мөрәҗәгать иткән. Бу хакта “ТАСС” хәбәр итә.
Парламентарий фикеренчә, бүген Русия педагогик берләшмәсе хәзерге тормыш чынбарлыгы алдында якланмаган. Мисал итеп ул күптән түгел Санкт-Петербургта булган очракны китерә, анда укытучы дәрестә репрессияләнгән шагыйрьләрнең шигырьләрен укыгач, аны эштән китәргә мәҗбүр иткәннәр.
Депутат билгеләвенчә, “Русия мәгариф системасы конструктив тәнкыйтькә генә түгел, ә балалар белән эшләүче кешеләргә дә мохтаҗ”, шул ук вакытта педагоглар еш кына лаеклы хөрмәттән мәхрүм ителә.
“Күпчелек очракта укытучылар, чыннан да, кемгә мөрәҗәгать итәргә дә белми. Алар директорга бармаячак, чөнки ул эштән куарга мөмкин. Төбәк түрәләренә дә бармаячаклар, чөнки алар конфликт турында эндәшми кала. Ә федераль органнар аларны ишетми”, — дип ачыклый Чернышев.
Аның фикеренчә, “һәр укытучы укучылар белән аралашу системасын үзе төзи”, шул ук вакытта “педагоглар белем бирү процессы кануннарыннан чыгып, үзләрен куркыныч астына куя”.
Чернышов укытучыларның нигезсез эштән җибәрүләре турында искә төшерә. "Нәкъ менә шуңа күрә уртак көч белән мәгариф системасында яңа институт булдыруны сорыйм, ул безнең илдә укытучылар хокукларын яклау белән шөгыльләнәчәк. Русиядә педагогларның хокукларын яклау буенча вәкаләтле вәкил вазыйфасын кертергә кирәк", — дип нәтиҗә ясый парламентарий.
Фото: activityedu.ru
