+14 °С
Болытлы
Гәзиткә язылуVKOKTelegram
Барлык яңалыклар
Мәгариф
14 Май , 13:20

«Яңа горизонтлар» яңа офыклар ача

17 майдан 19 майга кадәр «Белем» Русия җәмгыяте федераль мәгърифәтчелек марафонын оештыра. Ул быел яңа мәгънәгә ия булачак һәм «Яңа горизонтлар» дип аталачак. Марафонның дискуссияләр, лекцияләр һәм осталык дәресләре үзәгендә - безнең илдә төрле өлкәләрдә ачылучы яңа мөмкинлекләр.

«Яңа горизонтлар» яңа офыклар ача
«Яңа горизонтлар» яңа офыклар ача


Мәгърифәтчелек марафоны үз мәйданнарында 150дән артык күренекле Русия һәм чит ил спикерын - фән, мәдәният, сәнгать, спорт әһелләрен, бизнес лидерларын һәм дәүләт эшлеклеләрен берләштерәчәк.

Марафон программасы аерым мәйданчыкларда оештырылган 5 тематик трекны үз эченә ала: Мәскәүдә – "Русия һәм дөнья роле" һәм "Без бергә" треклары, Санкт-Петербургта – "Яңа горизонтлар. Икътисад", Сочида – "Яңа горизонтлар. Фән", Мәскәү өлкәсендә, 26нчы «Русия интернет форумы» мәйданчыгында - «Яңа горизонтлар. Мәгълүмати технологияләр» күргәзмәсе.

Марафон кысаларында өлкән сыйныф укучылары өчен беренче Бөтенрусия мәгърифәт уеннары финалы узачак, аларны «Белем» җәмгыяте Русия Мәгариф министрлыгы ярдәмендә үткәрә. Финалда 88 команда: төбәк этабында сайлап алынган Русия субъектларыннан 85 команда, шулай ук Русия мәктәп укучылары хәрәкәте, «Юнармия» хәрәкәте һәм «Зур тәнәфес» берләшмәсе командалары очрашачак. Интеллектуаль-спорт дисциплиналары буенча команда ярышлары Мәскәүдә ВДНХда оештырыла. "Яңа горизонтлар. Русиянең дөньяда роле» дигән халыкара фәнни-гамәли конференция узачак.

Марафон мәйданчыкларында 12 меңнән артык актив укучы һәм студент җыелачак. Бөтен Русия буенча тамашачылар «Белем» Русия җәмгыяте сайтында «Яңа горизонтлар» мәгърифәтчелек марафоны спикерларының чыгышларын www.znanierussia.ru, vk.com/znanierussia карый алачак. Тулырак мәгълүмат һәм программа - чараның сайтында: https://marathon.znanierussia.ru

Фото: orenburzhie.ru


Автор:Зөһрә Исламова
Читайте нас в