Нефть һәм газ эзләүдә яңа технология барлыкка килде

Евразия НОЦ дөньякүләм дәрәҗәдәге югары уку йортлары һәм фәнни оешмалары коллективлары: Уфа дәүләт нефть техник университеты (УДНТУ) Башкорт дәүләт университеты (БашДУ) тарафыннан Башкортстан Республикасы Фәннәр академиясенең фәнни-методик җитәкчелегендә геохимик төшерүнең комплекслы технологиясе булдырылды, аның ярдәмендә яңа нефть һәм газ ятмаларын табарга мөмкин. Башкортстан галимнәре проекты инде танылу алды, РФФИ, СТАРТ-1, УМНИК грантлары белән хупланды һәм Русия Мәгариф һәм фән министрлыгының "Приоритет 2030" программасы буенча тормышка ашырыла.

Уникаль технологиянең төп өстенлекләре - экономиялелек (эзләнү бораулауларына чыгымнар юк) һәм техника авыр уза торган урыннарны бәяләү мөмкинлеге.

«Без, комплекслы технология буларак, пассив адсорбция ысулын тәкъдим иттек: оригиналь модуль-сорберлар әзерләүдән, видеотөшерү, хромато-масс-тикшеренүләр уздырудан, математик эшкәртүдән башлап, картада алынган ареаллар буенча нефть һәм газ яткылыкларын бәяләүгә кадәр», - дип сөйләде проект җитәкчесе, УДНТУның «Физик һәм органик химия» кафедрасы мөдире Альбина Бадыйкова.

Галимнәр эксперименталь модуль-сорберларны билгеле бер рәвештә 10-14 көнгә урнаштыра. Арытаба ул трубкалар кирәкле углеводородларны идентификацияләү өчен хромато-масс-спектрометрда тикшерелә. Алынган нәтиҗәләрне математик статистика программалары ярдәмендә эшкәртәләр. Шулай итеп, картада нефть һәм газ яткылыкларының мөмкин булган участоклары барлыкка килә.