Урта һөнәри белем бирү сыйфатын яхшырту мәсьәләләре буенча фикер алыштылар

Андрей Назаров билгеләп үткәнчә, бүген урта һөнәри белем абитуриентлар арасында популяр, ә эшче һөнәрләрне яшь буын аңлы рәвештә сайлый.

- Башкортстан - урта һөнәри белем бирү учреждениеләре саны буенча илдә лидерларның берсе. Анда 104 меңнән артык кеше укый. Кадрлар әзерләү 139 белгечлек һәм 81 эшче һөнәр буенча алып барыла. Ел саен колледжларга керергә теләүчеләр саны арта. Хәзерге вакытта аерым белгечлекләр буенча конкурс бер урынга - 43, һөнәрләргә 20 кешегә кадәр тәшкил итә, - диде Андрей Назаров. - Һөнәри белем бирүне модернизацияләү елы, лаеклы хезмәт шартлары һәм хезмәт династияләре кысаларында без урта һөнәри белем бирү системасын үстерүгә зур игътибар бирәбез. Матди-техник базаны камилләштерү, колледжларның кадрлар потенциалын үстерү мәсьәләләрен аерып күрсәтәбез. Моңа федераль проектларда катнашу да ярдәм итә: республика төзелгән заманча остаханәләр саны буенча 5нче урында тора, беренче субъектларның берсе булып, «Профессионалитет» федераль проектына керде. Төбәк дәрәҗәсендә урта һөнәри белем бирү буенча республика советы төзелде. 2022-26 елларга урта һөнәри белемне үстерү стратегиясе расланды.

Урта һөнәри белем бирү системасын яхшырту эше турында Башкортстан Республикасы мәгариф һәм фән министры Айбулат Хаҗин җентекләп сөйләде. Аның сүзләренә караганда, министрлык дәүләт һөнәри белем бирү эшчәнлеге нәтиҗәлелеген бәяләүгә кагылышлы ике проект әзерләгән.

Бу хакта тулырак: https://pravitelstvorb.ru/ru/press-office/news.php?ELEMENT_ID=57029